Bangud Sa Tatlong Dangaw
Nga Eobid
Mailaon baea kamu magpoeot ag magtipon it mga bagay nga owa it huyap kapareho ko pakot, alambre, takop it garapon, eobid, kaeat, eansang ag iba pa? Abo nga mga nagmanggaranon sa rayang mga nagtipon it "basura". Nag umwad ro andang pagpangabuhi ag nakapatapos sa pagpa eskwela ko andang mga onga. Sa pihak nga bahin, imbis nga magbugana ag mag malipayon ro anang pagpangabuhi, naha adto sa kasubo bangud dumiretso imaw sa presuhan.
Mailaon man magpamueot it ano mang bagay maskin siin si Silas. May daea imaw perme nga kostal nga puno it nagakasari-saring bagay nga anang hapueot. Pag-abot sa anda, ana dayon nga gina hugasan, sabunan, banlawan ag bun-agon. Pagmaea, idugang sa anang ibang natipon.
Isaeang adlaw, sa atubang it mabahoe nga baeay, nanaog sa anang saeakyan si Walter agud buksan rong "gate". Umagi si Silas sa rayang baeay. May hakita imaw nga tatlong dangaw nga eobid. Pinueot nana ag sinueod sa anang kostal ag pumanaw. Hanuonan man nga hakita imaw ni Walter sa espiho ko anang saeakyan ogaling owa sa anang bu-ot.
Pagkaaga, ka’t nagapanaw eon si Walter, hapan-uhan nana nga naduea ro anang pulseras nga may eobong nga dyamante. Guin osoy nana sa tanan nga parte ko anang sueod. Basi baea nawigit sa karsada? Kotana sa paino-ino. "Tama, pagpanaog ko kahapon, may isaeang ka magueang nga may guin poeot. Segurado guid ako nga idto kana ro akon nga pulseras," hambae ni Walter sa dogalingon.
Eagi-eagi imaw nga nag adto sa pulisya. Gin "report" ro pagkaduea ko anang pulseras ag kon sin-o ro nag bo-oe. Anang gin pa blotter. Kaibahan ko mga pulis, nag-adto sanda sa baeay ni Silas agod bawi-on rong pulseras. Nagpamalibad rong magueang. Tongod kara, guin daea imaw sa presuhan ag guin plastahan it kiha nga pagpanakaw. Rong maka eo-eo-uy nga Silas, nagtener sa presuhan nga inosente.
Makataliwan rong pilang domingo, nagbalik si Walter sa pulisya agud ipaguwa si Silas. Nakita eot-a nana ro anang pulseras nga nahueog sa kilid it tukador nga hatabunan it papel. Nangayo imaw it pasensya kay Silas. Sa kabu-ot ni Silas, anang guin patawad si Walter, ogaling may napabilin nga leksyon sa isipan ni Walter ag mga kapulisyahan.
Indi ka maghusgar sa itsura it isaeang ka tawo tongod sa likod ko anang kaeaw-ay ag kapobrehon, hay may bueawanon imaw nga tagipusuon nga indi matumbasan it manggad. /MPmailto:madyaas_pen@yahoo.com
Mailaon man magpamueot it ano mang bagay maskin siin si Silas. May daea imaw perme nga kostal nga puno it nagakasari-saring bagay nga anang hapueot. Pag-abot sa anda, ana dayon nga gina hugasan, sabunan, banlawan ag bun-agon. Pagmaea, idugang sa anang ibang natipon.
Isaeang adlaw, sa atubang it mabahoe nga baeay, nanaog sa anang saeakyan si Walter agud buksan rong "gate". Umagi si Silas sa rayang baeay. May hakita imaw nga tatlong dangaw nga eobid. Pinueot nana ag sinueod sa anang kostal ag pumanaw. Hanuonan man nga hakita imaw ni Walter sa espiho ko anang saeakyan ogaling owa sa anang bu-ot.
Pagkaaga, ka’t nagapanaw eon si Walter, hapan-uhan nana nga naduea ro anang pulseras nga may eobong nga dyamante. Guin osoy nana sa tanan nga parte ko anang sueod. Basi baea nawigit sa karsada? Kotana sa paino-ino. "Tama, pagpanaog ko kahapon, may isaeang ka magueang nga may guin poeot. Segurado guid ako nga idto kana ro akon nga pulseras," hambae ni Walter sa dogalingon.
Eagi-eagi imaw nga nag adto sa pulisya. Gin "report" ro pagkaduea ko anang pulseras ag kon sin-o ro nag bo-oe. Anang gin pa blotter. Kaibahan ko mga pulis, nag-adto sanda sa baeay ni Silas agod bawi-on rong pulseras. Nagpamalibad rong magueang. Tongod kara, guin daea imaw sa presuhan ag guin plastahan it kiha nga pagpanakaw. Rong maka eo-eo-uy nga Silas, nagtener sa presuhan nga inosente.
Makataliwan rong pilang domingo, nagbalik si Walter sa pulisya agud ipaguwa si Silas. Nakita eot-a nana ro anang pulseras nga nahueog sa kilid it tukador nga hatabunan it papel. Nangayo imaw it pasensya kay Silas. Sa kabu-ot ni Silas, anang guin patawad si Walter, ogaling may napabilin nga leksyon sa isipan ni Walter ag mga kapulisyahan.
Indi ka maghusgar sa itsura it isaeang ka tawo tongod sa likod ko anang kaeaw-ay ag kapobrehon, hay may bueawanon imaw nga tagipusuon nga indi matumbasan it manggad. /MPmailto:madyaas_pen@yahoo.com
No comments:
Post a Comment