Tita Linda Belayro
Ro Maaeam Nga Asawa
May isaeang ka hari sa isaeang ka kaharian. Parabil imaw mag-asawa, nag usoy anay imaw it babaye nga maski pobre basta maaeam.
Owa magbuhay, nakakita imaw it isaeang ka babaye halin pa sa pobre nga pamilya.Para mapamatud-an ro anang kaaeam, guin kangay ro babaye sa palasyo agud tugmahon nana ro isaeang ka patugmahanon kong hari.
Hayra rong patugmahanon: "Umadto ka kakon nga hubeas ogaling may eambong, owa nakasakay, owa man nagabaktas, bukon it sa karsada, bukon man it sa liwan it karsada ga agi. Kon maobra mo ra mapakasae ako kimo."
Umuli rong babaye, nagbo-oe it eambat, guin putos nana ro anang eawas, ngani bukon imaw it hubeas. Pagkatapos, naghueam imaw it kabayo, ana guin higot rong eambat sa ikog it hayop, ngani napilitan imaw nga guyuron it kabayo. Napamatud-an nga owa imaw gasakay o nagabaktas. Guina guyod imaw sa mga agi it kariton, busa bihira nga nagatabing ro anang siki sa eogta. Napapati nana rong hari. Nagpakasae sanda.
Nagpadayon rong malipayon nga pagpangabuhi kong hari ag ko anang ma-aeam nga asawa.
Ko ulihi, may hadakpan nga tawo nga paga utdan it oeo tongod nagkasaea. Parabil utdan imaw it oeo, may patugmahanon rong hari. Kon masabat ko tawo nga paga utdan it oeo, malibre imaw sa silot kana. Hakibot rong hari nga natugma rong patugmahanon. Sa anang pagpangusisa, nasayran nana nga rong Reyna ro nagbulig tongod sa anang kaeo-oy sa royong tawo.
Naakig it duro ro hari, ag sa kahuya it hari, guin pahalin ro Reyna sa palasyo. Parabil magpanaw ro Reyna, guin kangay nana ro hari nga mag-inoman sanda bilang pagpaalam. Nahilong ro hari ag sa gahum it pang patueog nga guin butang sa ilimnon, naha katoeogan rong hari. Guin sugo kong Reyna ro sangka guwardiya nga puston it puting haboe ro hari, isakay sa karwahe agod daehon sa baeay it Reyna.
Pagbugtaw kong hari, hakibot imaw nga idto eot-a imaw sa baeay ko Reyna. Nangutana imaw kon ham-an. Nagsabat rong Reyna. "Mahae kong asawa, mangin akon ikaw, ag ako mangin imo." Nag uli rong Reyna sa palasyo. Nagpakasae sanda it oman ag nagkabuhi sanda it malipayon. Hasta it makaron malipayon pa sandang daywa. /MP
Owa magbuhay, nakakita imaw it isaeang ka babaye halin pa sa pobre nga pamilya.Para mapamatud-an ro anang kaaeam, guin kangay ro babaye sa palasyo agud tugmahon nana ro isaeang ka patugmahanon kong hari.
Hayra rong patugmahanon: "Umadto ka kakon nga hubeas ogaling may eambong, owa nakasakay, owa man nagabaktas, bukon it sa karsada, bukon man it sa liwan it karsada ga agi. Kon maobra mo ra mapakasae ako kimo."
Umuli rong babaye, nagbo-oe it eambat, guin putos nana ro anang eawas, ngani bukon imaw it hubeas. Pagkatapos, naghueam imaw it kabayo, ana guin higot rong eambat sa ikog it hayop, ngani napilitan imaw nga guyuron it kabayo. Napamatud-an nga owa imaw gasakay o nagabaktas. Guina guyod imaw sa mga agi it kariton, busa bihira nga nagatabing ro anang siki sa eogta. Napapati nana rong hari. Nagpakasae sanda.
Nagpadayon rong malipayon nga pagpangabuhi kong hari ag ko anang ma-aeam nga asawa.
Ko ulihi, may hadakpan nga tawo nga paga utdan it oeo tongod nagkasaea. Parabil utdan imaw it oeo, may patugmahanon rong hari. Kon masabat ko tawo nga paga utdan it oeo, malibre imaw sa silot kana. Hakibot rong hari nga natugma rong patugmahanon. Sa anang pagpangusisa, nasayran nana nga rong Reyna ro nagbulig tongod sa anang kaeo-oy sa royong tawo.
Naakig it duro ro hari, ag sa kahuya it hari, guin pahalin ro Reyna sa palasyo. Parabil magpanaw ro Reyna, guin kangay nana ro hari nga mag-inoman sanda bilang pagpaalam. Nahilong ro hari ag sa gahum it pang patueog nga guin butang sa ilimnon, naha katoeogan rong hari. Guin sugo kong Reyna ro sangka guwardiya nga puston it puting haboe ro hari, isakay sa karwahe agod daehon sa baeay it Reyna.
Pagbugtaw kong hari, hakibot imaw nga idto eot-a imaw sa baeay ko Reyna. Nangutana imaw kon ham-an. Nagsabat rong Reyna. "Mahae kong asawa, mangin akon ikaw, ag ako mangin imo." Nag uli rong Reyna sa palasyo. Nagpakasae sanda it oman ag nagkabuhi sanda it malipayon. Hasta it makaron malipayon pa sandang daywa. /MP
No comments:
Post a Comment