Ronquillo C. Tolentino
Ro Halimtang Sa PagsakaSa Pangabuhi
May una anay nga experto sa guerra naval nga nagta-o it simple nga formula para hi-abot mo ro imo nga handum. Raya nga formula nga guin usar hay pa-agi eamang sa tatlong ka pangutana:
1. Nano ro akong katungdanan sa akong pagpangabuhi?
2. Nano ro mga abang, sagabal o difficultad nga akon nga pangatubangon ag pagatapna-on para nga ma-abot ko ro akon nga guina hangup?
3. Anano ro akon nga dapat daehon nga mga materiales para hisugpo ko ro mga difficultad o mga tunok sa akong daean nga maghawan ro akon nga pa agi ag ma-abot ko ro akon nga guin handum o guina hangup?
Ro imo nga hueay sa pagmayad it kalibutan hay depende sa imo nga pagbutang o paghathat it claro ko imong bueo-haton. Kinihangean nga bugtaw ro imo nga paino-ino ag alerto ro imo nga pagkatawo sa mga bagay-bagay nga naga abang sa imong daean it pag-pangabuhi. Ag mag-obra ka it gaka angay-angay nga halimtang sa pagsaka it pagpangabuhi. Owa man it tawo nga nagahueat eamang o nagtindug sa pag-pangabuhi nga guin-taw-an it bugna sa pagpangabuhi. Ro tawo nga nagahueat eamang hay puede ser nga indi man maka-obra it halimtang sa pagsaka it pangabuhi.
Ro pagpangabuhi sa kalibutan hay bukon it mana nga banig nga rosas. Ro pagpangabuhi hay may ana nga kunos-kunos, may ana nga katawhay, ag may ana man nga aya-ay. Ro pagpangabuhi hay may ana man nga idaeom ag ibabaw, may ana man nga humot ag may ana man nga tunok.
Apang kon mag-butang kita it halimtang it pangabuhi o itu-on man naton nga mayad nga hangup sa pagpangabuhi, maka cierto kita nga ro halimtang it atong pag-pangabuhi hay mataw-an it daean nga mangin maeomo ag magsaka.
Isaeang Kamayad-ayad Nga Hambae Hay Makapagbag-o
Kaabo-an katon hay owa katanda ko ngaean nga Madame Erenestine Schumman-Heink isaea anay nga pinakabantogon nga “opera singer” sa bug-os nga kalibutan. Isaeang adlaw, nagpaino-ino imaw it bue-on nana ro anang kabuhi. Bago imaw nagging bantog o popular hay nasamad ro anang pag-asawa. Masakit imaw, nagutoman ag nataeawan nga mag-kabuhi sa kalibutan ag owa man imaw it kaisog it bu-ot nga ana nga pabahoeon ro anang ap-at nga unga. Sa anang pa ino-ino hay owa kana it naeo-oy ag nagtupok eon ro bubongan it kalibutan. Ag isaeang adlaw, nagbuhat imaw it decision nga magpakamatay imaw paagi nga magpaligis imaw sa sangka tren.
Isaeang maeamig nga gabi-i sa Vienna, omadto imaw sa relis it tren, kuekoe nana ro anang mga unga nga nabuytan nana it mayad ag naghueat imaw it tren nga mag-agi. Ro anang unga nga bayi nagtawag kana it mawraya: “Inay, gina-higugma ko ikaw. Musyon mauli eon kita.”
Ro voces it unga nga naghalin sa kadueoman sa maeamig ngato nga kagab-ihon hay nag-patagumpa-aw kay Madame Ernestine Schumman-Heink. Guin abandonar nana ro desperado nga plano nga bue-on ro anang kabuhi eakip ro anang unga ag nagdecidir imaw it pagpangabuhi it oman. Guin taw-an imaw it bugna it Diyos ag sa sueod it mapig-od nga dinag-on, guin purong – purongan imaw it dayaw bilang isaea sa pinakabantogan nga manugkanta sa kalibutan.
Kon may hikita kita nga tawo nga sa kadueomon it pagdes-perar, isaeang kamayad-ayad nga hambae hay makatabang sa tawo-makatabang kana nga indi imaw magpadayon sa mapait nga pagdesperar. Sa tawo ro taguiposo-on nga naga bulig it pagpa-abot sa isig katawo it higugma it Ginuo ag kainit ko anang pag-intiendi sa tawo agud maka-abot ro gugma it Diyos ag anang kainit sa maeamig ag malisud nga kabuhi ko mga tawo nga naga-desperar. /MP
1. Nano ro akong katungdanan sa akong pagpangabuhi?
2. Nano ro mga abang, sagabal o difficultad nga akon nga pangatubangon ag pagatapna-on para nga ma-abot ko ro akon nga guina hangup?
3. Anano ro akon nga dapat daehon nga mga materiales para hisugpo ko ro mga difficultad o mga tunok sa akong daean nga maghawan ro akon nga pa agi ag ma-abot ko ro akon nga guin handum o guina hangup?
Ro imo nga hueay sa pagmayad it kalibutan hay depende sa imo nga pagbutang o paghathat it claro ko imong bueo-haton. Kinihangean nga bugtaw ro imo nga paino-ino ag alerto ro imo nga pagkatawo sa mga bagay-bagay nga naga abang sa imong daean it pag-pangabuhi. Ag mag-obra ka it gaka angay-angay nga halimtang sa pagsaka it pagpangabuhi. Owa man it tawo nga nagahueat eamang o nagtindug sa pag-pangabuhi nga guin-taw-an it bugna sa pagpangabuhi. Ro tawo nga nagahueat eamang hay puede ser nga indi man maka-obra it halimtang sa pagsaka it pangabuhi.
Ro pagpangabuhi sa kalibutan hay bukon it mana nga banig nga rosas. Ro pagpangabuhi hay may ana nga kunos-kunos, may ana nga katawhay, ag may ana man nga aya-ay. Ro pagpangabuhi hay may ana man nga idaeom ag ibabaw, may ana man nga humot ag may ana man nga tunok.
Apang kon mag-butang kita it halimtang it pangabuhi o itu-on man naton nga mayad nga hangup sa pagpangabuhi, maka cierto kita nga ro halimtang it atong pag-pangabuhi hay mataw-an it daean nga mangin maeomo ag magsaka.
Isaeang Kamayad-ayad Nga Hambae Hay Makapagbag-o
Kaabo-an katon hay owa katanda ko ngaean nga Madame Erenestine Schumman-Heink isaea anay nga pinakabantogon nga “opera singer” sa bug-os nga kalibutan. Isaeang adlaw, nagpaino-ino imaw it bue-on nana ro anang kabuhi. Bago imaw nagging bantog o popular hay nasamad ro anang pag-asawa. Masakit imaw, nagutoman ag nataeawan nga mag-kabuhi sa kalibutan ag owa man imaw it kaisog it bu-ot nga ana nga pabahoeon ro anang ap-at nga unga. Sa anang pa ino-ino hay owa kana it naeo-oy ag nagtupok eon ro bubongan it kalibutan. Ag isaeang adlaw, nagbuhat imaw it decision nga magpakamatay imaw paagi nga magpaligis imaw sa sangka tren.
Isaeang maeamig nga gabi-i sa Vienna, omadto imaw sa relis it tren, kuekoe nana ro anang mga unga nga nabuytan nana it mayad ag naghueat imaw it tren nga mag-agi. Ro anang unga nga bayi nagtawag kana it mawraya: “Inay, gina-higugma ko ikaw. Musyon mauli eon kita.”
Ro voces it unga nga naghalin sa kadueoman sa maeamig ngato nga kagab-ihon hay nag-patagumpa-aw kay Madame Ernestine Schumman-Heink. Guin abandonar nana ro desperado nga plano nga bue-on ro anang kabuhi eakip ro anang unga ag nagdecidir imaw it pagpangabuhi it oman. Guin taw-an imaw it bugna it Diyos ag sa sueod it mapig-od nga dinag-on, guin purong – purongan imaw it dayaw bilang isaea sa pinakabantogan nga manugkanta sa kalibutan.
Kon may hikita kita nga tawo nga sa kadueomon it pagdes-perar, isaeang kamayad-ayad nga hambae hay makatabang sa tawo-makatabang kana nga indi imaw magpadayon sa mapait nga pagdesperar. Sa tawo ro taguiposo-on nga naga bulig it pagpa-abot sa isig katawo it higugma it Ginuo ag kainit ko anang pag-intiendi sa tawo agud maka-abot ro gugma it Diyos ag anang kainit sa maeamig ag malisud nga kabuhi ko mga tawo nga naga-desperar. /MP
No comments:
Post a Comment