Sugilanon Ni Tita Linda

Ni Tita Linda Belayro

Ro Tuso Nga Natusuhan Man

Si Berto hay tuso nga tawo. Mahambae nga imaw ro hari sa katusuhan. Nagmanggad imaw sa pagtinuso. Nalipay guid imaw kon may anang hiloko.
Isaeang adlaw, sam-tang nagatikang – tikang imaw sa tindahan, may hakita imaw nga isaeang ka tawo nga naga baligya it pispis. Rayang tawo hay nagasuksok it gisi nga eambong ag sinursihan nga saewae. Sa anang tan-aw hay kaya nanang lukohon rayang tawo. Sa anang pagpaeapit, nasay-ran nana nga ro pispis hay ginatakpan it kaeo. Rayang pispis hay isaea eamang klase sa bilog nga kalibutan. Rayang pispis hay nagata-o it manggad sa naga-panag-iya. Interesado guid imaw basta manggad ro paga hambaean. Pina-ngutana nana kon pila bakeon ro pispis. "Singkwenta pesos man lang," sabat ko tawo. Nabaratohan ro tuso. Guin dugangan nana it singkwenta tongod na-eo-oy imaw sa eaeaki. Guinta-o kana ro kahon nga natakpan it ka-eo. Indi kana pagpabuksan ay basi eompad. Buksan nana ogaling sa pagbalik kong eaeaki. Sa pagtalikod ko eaeaki abong plano ro tuso nga nahuman sa anang pa-ino-ino.
Mabakae kuno imaw it saeakyan ag mapatindog it kamalig. Mabakae imaw it mga mais ag paeay agud ibutang sa kamalig. Paagi sa saeakyan, tanan ro negosyo anang sudlan ag idto tipunon sa kamalig. Mabuhay eon nga inoras ro tumaliwan ag owa pa guihapon magbalik ro eaeaki. Guin ling-ling nana ag dahan-dahan nga binuksan ro kaeo. Owa it pispis nga sueod kundi ta-e it baka eamang. Sa anang ka-akig, guin balibag nana ro kahon ag ka-eo. Pag-eaum nana, natusuhan nana ro eaeaki, imaw ta na gali ro natusuhan.
Leksyon: Ro indi mo gusto nga obrahon kimo, ayaw pag-obraha sa iba. Tuso man kuno ro amo, hay natusuhan man. /MP