Ni Tita Linda Belayro
Tiyanak
Sa pagtuga ko atong kalibutan, iya sa eugta hay may nahauna eot-a nga mga espiritu nga naga estar. Raya sanda ro guin maldesyon. Sakup sanda sa sang parte ko tatlong parte nga naga estar anay kaibahan ko atong Ama sa eangit. Sanda ra ro na engganyo ni Lucifer nga magsunod kana sa anang pagrebelde idto sa eangit.
Bilang pina, owa sanda pag tao-i it kahigayunan nga maka angkon it mortal nga eawas ag maka estar iya sa atong kalibutan. Nagpabilin sanda nga espiritu ag kina hangean nanda nga maghueam it eawas ko tawo o sapat agud maka batyag kon ano ro pagkabuhi it tawo iya sa atong kalibutan.
May una kanda nga mabuot, ratong mga naengganyo nga mag-sunod eamang kay Lucifer. May una man nga mapintas ag naga pamatay. Ro andang pada-ug hay naga sakay sa atong kahadluk agud maeopig kita. Abo nga taktika ro andang guina gamit. May una nga naga balhin ro andang dagway pareho it gwapa nga babaye. May una man nga naga paeo-oy eo-oy kapareho it tiyanak ogaling mapintas gali ag naga pamatay. Dugo ro pagkaon ko tiyanak, ngani paagi sa anang mataliwis nga ngipon, ro li-og ro anang guina himunta tongod mabaskog ro agay it dugo sa ugat ko atong li-og.
May tatlong ka mag-amigo ro naghalin sa baylihan. Pag-abot nanday Julian, Juho ag Estong sa maeapad nga taeahiban, may habati-an sanda nga tangis it eapsag.
Bangud sa kahilungun, owa sanda maka batyag it kahadluk, ngani guin adtonan ro guin halinan it tangis. Hakita nanda ro isaeang ka eapsag nga guina putos it panit ag eamay it saging. Sa andang kaeo-oy, guin oba nanda ro jacket ni Julian ag guin putos ro eapsag. Samtang naga panaw, habatyagan ni Julian nga naga puy-poy ro anang abaga ag medyo mabasa.
Pag-ea-um nana hay anang hueas, gali dugo ro naga dahilig sa anang abaga. Napan-uhan nana nga toeog man ro eapsag. Hasta naka abot sanda sa may kapilya ag gusto nana nga kaadyon ro putos it eapsag. Guin butang anay nana ro eapsag sa bangko agud bugkoson ro anang nina. Pagkabatyag ko eapsag nga idto sanda sa kapilya, nagbag-o ro dagway it eapsag. Nangin tiyanak imaw nga nagalisik ro mata, mata-eawis ro ngipon ag naga panindog ro mga buhok.
Guin eumpatan ko tiyanak ro tatlo agod angkiton ogaling maabtik man nga naka daeagan ro daywang si Estong ag Julio. Naha-aywan si Julian nga maeuya tongod sa mga dugo nga naduea kana.
Nadumduman nana ro sugilanon ko anang Lolo. Ro panit nga nagaputos sa eapsag, imaw ro kinaadman it tiyanak. Kinahangean nga sunugon ra agod indi eon makabalik ro tiyanak. Sinindihan ko anang lighter ro panit. Dungan sa pag-kasunog, owa eon nakabalik ro tiyanak ag ko olihi namatay bangud nasilakan it adlaw imaw ag natunaw.
Pag-uli ni Julian, guin sugid nana ro tanan kay Justo ag Estong. Halin kato, owa eon naga pagabi-i ro tatlo. Imbes nga magpamasyar, ona lang sanda sa baeay naga pamati it radyo. /MP
Bilang pina, owa sanda pag tao-i it kahigayunan nga maka angkon it mortal nga eawas ag maka estar iya sa atong kalibutan. Nagpabilin sanda nga espiritu ag kina hangean nanda nga maghueam it eawas ko tawo o sapat agud maka batyag kon ano ro pagkabuhi it tawo iya sa atong kalibutan.
May una kanda nga mabuot, ratong mga naengganyo nga mag-sunod eamang kay Lucifer. May una man nga mapintas ag naga pamatay. Ro andang pada-ug hay naga sakay sa atong kahadluk agud maeopig kita. Abo nga taktika ro andang guina gamit. May una nga naga balhin ro andang dagway pareho it gwapa nga babaye. May una man nga naga paeo-oy eo-oy kapareho it tiyanak ogaling mapintas gali ag naga pamatay. Dugo ro pagkaon ko tiyanak, ngani paagi sa anang mataliwis nga ngipon, ro li-og ro anang guina himunta tongod mabaskog ro agay it dugo sa ugat ko atong li-og.
May tatlong ka mag-amigo ro naghalin sa baylihan. Pag-abot nanday Julian, Juho ag Estong sa maeapad nga taeahiban, may habati-an sanda nga tangis it eapsag.
Bangud sa kahilungun, owa sanda maka batyag it kahadluk, ngani guin adtonan ro guin halinan it tangis. Hakita nanda ro isaeang ka eapsag nga guina putos it panit ag eamay it saging. Sa andang kaeo-oy, guin oba nanda ro jacket ni Julian ag guin putos ro eapsag. Samtang naga panaw, habatyagan ni Julian nga naga puy-poy ro anang abaga ag medyo mabasa.
Pag-ea-um nana hay anang hueas, gali dugo ro naga dahilig sa anang abaga. Napan-uhan nana nga toeog man ro eapsag. Hasta naka abot sanda sa may kapilya ag gusto nana nga kaadyon ro putos it eapsag. Guin butang anay nana ro eapsag sa bangko agud bugkoson ro anang nina. Pagkabatyag ko eapsag nga idto sanda sa kapilya, nagbag-o ro dagway it eapsag. Nangin tiyanak imaw nga nagalisik ro mata, mata-eawis ro ngipon ag naga panindog ro mga buhok.
Guin eumpatan ko tiyanak ro tatlo agod angkiton ogaling maabtik man nga naka daeagan ro daywang si Estong ag Julio. Naha-aywan si Julian nga maeuya tongod sa mga dugo nga naduea kana.
Nadumduman nana ro sugilanon ko anang Lolo. Ro panit nga nagaputos sa eapsag, imaw ro kinaadman it tiyanak. Kinahangean nga sunugon ra agod indi eon makabalik ro tiyanak. Sinindihan ko anang lighter ro panit. Dungan sa pag-kasunog, owa eon nakabalik ro tiyanak ag ko olihi namatay bangud nasilakan it adlaw imaw ag natunaw.
Pag-uli ni Julian, guin sugid nana ro tanan kay Justo ag Estong. Halin kato, owa eon naga pagabi-i ro tatlo. Imbes nga magpamasyar, ona lang sanda sa baeay naga pamati it radyo. /MP
No comments:
Post a Comment