Hari It Kagueangan
Ro Leon ro guinakilaea nga Hari it Kagueangan. Tanan
ro mga hayop maintok man o maeagko hay nahadluk kana. Kon may madakpan ngani
nga Usa, dapat hay mabahoe ro anang hueay. Guina kahadlukan kon imaw hay maakig
bangod nagakurog rong bilog nga kagueangan sa anang pag ngoeab.
Tanan ro hayop hay naga dahan kon naga katoeog ro
andang hari bangod grabe kon maakig imaw.
Isaeang adlaw, may nag-abot nga isaeang ka ayam sa
kagueangan. Guina eotos imaw it mga tawo hasta nakaabot imaw sa kagueangan.
Nakabugtaw rong hari bangod sa kasangag nga daea it ayam. Akig nga akig rong
Leon.
“Sin-o ka nga nag dueot it kasangag sa akon nga kaharian?
Indi ka antigo mag tahod sa hari ngani maghalin ka iya kon indi mo bo-ot nga
eapa-on ko ikaw”, akig nga singgit it Leon. Owa guid nakabatyag it kahadluk
rong ayam, busa sumabat imaw sa akig nga leon.
“Basi owa ka nakasayod nga ako man ro guina kilaea nga
hari idto sa syudad?”
Mas naakig it mayad rong Leon. Owa it suko-suko nga
dinaluhong nana rong ayam, ogaling maabtik nga inangkit imaw it ayam. Owa
mabuhayi, nag kisay-kisay rong Leon ag natumba. Hakibot rong tanan nga hayop,
bangod isaeang ka maisot nga hayop eamang rong ayam nga naka pirde sa Leon. Owa
sanda nakasayod nga may rabis gali rong ayam busa guina eotos it mga tawo.
Halin kato, rong ayam eon ro guin kilaea nga hari sa kagueangan. /MP
No comments:
Post a Comment