Tita Linda Belayro
Mahika
Nagapati baea kamo sa mahika? Sa makaron, maeaka eon lang nga nagakaeatabo rong mahika. Sa moderno eon nga tiyempo, haeos natukiban eon it siyensya ro kato anay nga indi matungkad it tawo. Ogaling sa dumaan nga kalibutan sa kaharian it mga madyekero, puro madyek ro guina kabuhi it mga tawo.
Ro mahika hay halin pa sa mga katigueangan sa pagpamuno ko andang hari nga si Haring Cabonegro. Guin taw-an nana ro mga tawo it kina adman agod magamit sa andang pagpangabuhi. Sa anang alima ro kabuhi it mga tawo. Ro indi kana magsunod hay guina bawian nana it kina adman. Paagi sa anang gahum, hakikita nana ro guina obra it iba.
Sa tanan nga onga, owa guina kilaeaha si Prinsipe Zapiro. Onga imaw sa asawang si Virna. Maeaw-ay si Prinsipe Zapiro ag guina kahuya it hari, tongod puro gwapo ro iba nanang mga onga.
Guina paboran nana ro mga onga kay Voltera nga sanday Arconz, Peregreno ag Paran. Guin taw-an pa nana it dugang nga kina adman ro tatlo, bisan pa abusador ag maatag sa kwarta, paagi sa mahika.
Bu-ot pirme magpamasyar sa baybayon si Prinsipe Zapiro. Halin nga guin kahuya imaw it hari, owa eon imaw naga-adto sa palasyo.
Isaeang adlaw, samtang naga pamasyar imaw sa baybayon, may hakita imaw nga isaeang ka bote nga inanod it taob. Anang guin buksan ro bote ag gumuwa ro berdeng aso. Nagporma nga isaeang ka gwapahon nga babaye. Nagpasaeamat ro babaye. Imaw kuno hay isaeang ka prinsesa nga guin sumpa it bruha. Guin sueod imaw sa bote, ag kon sin-o ro makapoeot ag maglibre kana hay may premyo. Imaw si Prinsesa Charina.
May suksok imaw nga kulentas nga may gahum. Guintao kana ko anang inang reyna. Ro kulentas hay may gahum pag-abot nana it 18 años. Mabuhay nga naduea ro prinsesa. Guina ea-o-man imaw nga patay eot-a.
Ko mga oras ngaron hay nagatungtong eon si Prinsipe Zapiro sa ika-18 años. Golpeng naghayag ro kulentas. Guinbuytan ko prinsesa ro kulentas ag guinliso. Nagtunga ro puting kabayo nga may pakpak.
Sumakay ro daywa ag guindaea sa palasyo it prinsesa. Pag-abot it prinsesa, nagbakod ro hari sa pagbuyot sa kulentas. Nalipay man ro reyna.
Guinkasae si Prinsipe Zapiro ag Prinsesa Charina. Pagkatapos it kasae, nagbakasyon sanda sa kaharian ni Prinsipe Zapiro agod mabisitahan ro anang inang si Voltera.
Hakibot si Prinsipe Zapiro sa pagkasayod nga guin preso ko tatlong ka prinsipe ro anang hari. Ro ina ni Prinsipe Zapiro hay guin obrang sueogo-on it Reyna. Guin tago ro hari sa idaeom it palasyo bilang preso. Paagi sa gahum it kulentas, nakasueod sanda sa peresuhan nga owa it nakakita. Nalipay guid ro hari. Nag no-oe imaw kon ham-an it guin dugañgan ro kina adman it tatlo nanang onga.
Guinbalik ni Prinsipe Zapiro ro hari sa anang trono. Nagwala ro tatlong ka prinsipe. Sa pag-atubang ko anang mga magueang, hakibot sanda kay Prinsipe Zapiro. Guinamit nanda ro andang mga kina adman ogaling mas pwersado ro kulentas ni prinsesa Charina. Ro andang kina adman hay guina gamit nanda sa kaeainan ngani nadaog kong kulentas nga guina gamit sa kamaeayran. Sa pageoya ko kina adman it tatlo, natigayon ro pagbalik sa trono ni Haring Cabonegro. Nagpasaeamat man ro mga tawo tongod naka pahuway man sanda sa kapintas ko pagdumaea ko tatlong ka magmanghod. Guindaea ni prinsipe Zapiro ro anang Inang Reyna sa anang pagbalik bilang hari idto sa kaharian ni Reyna Charina. /MP
Ro mahika hay halin pa sa mga katigueangan sa pagpamuno ko andang hari nga si Haring Cabonegro. Guin taw-an nana ro mga tawo it kina adman agod magamit sa andang pagpangabuhi. Sa anang alima ro kabuhi it mga tawo. Ro indi kana magsunod hay guina bawian nana it kina adman. Paagi sa anang gahum, hakikita nana ro guina obra it iba.
Sa tanan nga onga, owa guina kilaeaha si Prinsipe Zapiro. Onga imaw sa asawang si Virna. Maeaw-ay si Prinsipe Zapiro ag guina kahuya it hari, tongod puro gwapo ro iba nanang mga onga.
Guina paboran nana ro mga onga kay Voltera nga sanday Arconz, Peregreno ag Paran. Guin taw-an pa nana it dugang nga kina adman ro tatlo, bisan pa abusador ag maatag sa kwarta, paagi sa mahika.
Bu-ot pirme magpamasyar sa baybayon si Prinsipe Zapiro. Halin nga guin kahuya imaw it hari, owa eon imaw naga-adto sa palasyo.
Isaeang adlaw, samtang naga pamasyar imaw sa baybayon, may hakita imaw nga isaeang ka bote nga inanod it taob. Anang guin buksan ro bote ag gumuwa ro berdeng aso. Nagporma nga isaeang ka gwapahon nga babaye. Nagpasaeamat ro babaye. Imaw kuno hay isaeang ka prinsesa nga guin sumpa it bruha. Guin sueod imaw sa bote, ag kon sin-o ro makapoeot ag maglibre kana hay may premyo. Imaw si Prinsesa Charina.
May suksok imaw nga kulentas nga may gahum. Guintao kana ko anang inang reyna. Ro kulentas hay may gahum pag-abot nana it 18 años. Mabuhay nga naduea ro prinsesa. Guina ea-o-man imaw nga patay eot-a.
Ko mga oras ngaron hay nagatungtong eon si Prinsipe Zapiro sa ika-18 años. Golpeng naghayag ro kulentas. Guinbuytan ko prinsesa ro kulentas ag guinliso. Nagtunga ro puting kabayo nga may pakpak.
Sumakay ro daywa ag guindaea sa palasyo it prinsesa. Pag-abot it prinsesa, nagbakod ro hari sa pagbuyot sa kulentas. Nalipay man ro reyna.
Guinkasae si Prinsipe Zapiro ag Prinsesa Charina. Pagkatapos it kasae, nagbakasyon sanda sa kaharian ni Prinsipe Zapiro agod mabisitahan ro anang inang si Voltera.
Hakibot si Prinsipe Zapiro sa pagkasayod nga guin preso ko tatlong ka prinsipe ro anang hari. Ro ina ni Prinsipe Zapiro hay guin obrang sueogo-on it Reyna. Guin tago ro hari sa idaeom it palasyo bilang preso. Paagi sa gahum it kulentas, nakasueod sanda sa peresuhan nga owa it nakakita. Nalipay guid ro hari. Nag no-oe imaw kon ham-an it guin dugañgan ro kina adman it tatlo nanang onga.
Guinbalik ni Prinsipe Zapiro ro hari sa anang trono. Nagwala ro tatlong ka prinsipe. Sa pag-atubang ko anang mga magueang, hakibot sanda kay Prinsipe Zapiro. Guinamit nanda ro andang mga kina adman ogaling mas pwersado ro kulentas ni prinsesa Charina. Ro andang kina adman hay guina gamit nanda sa kaeainan ngani nadaog kong kulentas nga guina gamit sa kamaeayran. Sa pageoya ko kina adman it tatlo, natigayon ro pagbalik sa trono ni Haring Cabonegro. Nagpasaeamat man ro mga tawo tongod naka pahuway man sanda sa kapintas ko pagdumaea ko tatlong ka magmanghod. Guindaea ni prinsipe Zapiro ro anang Inang Reyna sa anang pagbalik bilang hari idto sa kaharian ni Reyna Charina. /MP
No comments:
Post a Comment