Ni Tita Linda Belayro
Ro Kaharian It Alhambra
Mabuhay eon nga owa it hari rong Kaharian it Alhambra. Guina dumaeahan eamang ra ko punong ministro. Rikara makita ro maeagko nga palasyo nga guina punihan it mga batong ruby ro anang mga haligi. Sa trono, una man makita ro pinaka mabahoe nga ruby nga simbolo it poder.
Rondayang kaharian hay pilang beses eon nga guin sunog it mga Turko ag sa mayad nga pagdumaea ni Haring Visconde, na ibalik nana ro palasyo ag nangin progreso ro kaharian. Daywa ro asawa it hari nga puro magarbo. Ogaling pareho man nga owa it onga kanda ro hari. Lipod sa kaaeaman ko daywang ka reyna, may onga ro hari sa isaeang ka dama. Pagkamatay it hari, naghalin sa palasyo si Dama Soraya. Parabil namatay ro hari, naitao nana ro anang singsing para sa anang onga. Rayang singsing hay may guinatago nga kina-adman kon gamiton eamang sa kamaeayran.
Ro daywang ka reyna ro naga aeagawan sa trono, ogaling owa sanda mailai ko mga tawo. Daywang ka grupo rong mga soldado nga naga serbisyo sa kaharian ag guina pamunuan it kada isaeang ka reyna.
Tumaliwan ro kinse años, gaoy eon ro mga tawo sa kagulo ag kapintas ko mga soldado sa pagdumaea ko daywang ka reyna. Para matapna, nagpueong ro mga ministro. Naghiwat sanda it pa indis-indis nga kon sin-o ro maka sakay sa ma ila nga kabayo it hari, imaw ro pagakilaeahon nga hari. Rayang kabayo ro paborito it hari ag idto imaw guina tago sa kwadra nga owa it makasueod.
Ko adlaw it paindis – indis, nagsuksok ro daywang ka reyna it eambong nga pang kabalyero ag nakatakop ro andang uyahon it helmet.
Unang sumakay si Reyna Sarita. Owa ngani imaw nakapaeapit hay dumamba eon ro kabayo. Owa it mahimo ro reyna kundi umatras.
Sumunod nga eomapit si Reyna Verna. Habuytan nana ro kabayo. Guin hameos nana ro oyahon. Nagasakay eon kunta imaw ogaling dumamba eon man ro kabayo ag inapok imaw sa eogta.
Isaeang ka simple nga eaeaki ro eomapit sa kabayo. Nagdungok ro kabayo sa eaeaki, tanda ko anang pagkilaea ag pagtahud. Hakibot ro mga ministro sa guin pakita it kabayo. Ko ulihi, hakilaea nanda nga onga gali imaw ni Haring Vizconde, si Bernardo sa anang dama. Paagi sa singsing, nakilaea ko kabayo kon sin-o ro anang mangin amo. Ro hugum ko singsing, imaw ro permeng guina hugum it kabayo kon sanda magpanaw it hari.
Owa it nahimo ro daywang ka reyna. Guin deklara nga hari si Bernardo ag una sanda nag-estar ko anang ina sa palasyo. Guin kilaea man ro daywang ka reyna ogaling owa eon sanda it poder una sa kaharian. Nagbuylog ro tanan nga soldados ag si Haring Bernardo eamang ro andang guina kilaea nga hari. /MP
Rondayang kaharian hay pilang beses eon nga guin sunog it mga Turko ag sa mayad nga pagdumaea ni Haring Visconde, na ibalik nana ro palasyo ag nangin progreso ro kaharian. Daywa ro asawa it hari nga puro magarbo. Ogaling pareho man nga owa it onga kanda ro hari. Lipod sa kaaeaman ko daywang ka reyna, may onga ro hari sa isaeang ka dama. Pagkamatay it hari, naghalin sa palasyo si Dama Soraya. Parabil namatay ro hari, naitao nana ro anang singsing para sa anang onga. Rayang singsing hay may guinatago nga kina-adman kon gamiton eamang sa kamaeayran.
Ro daywang ka reyna ro naga aeagawan sa trono, ogaling owa sanda mailai ko mga tawo. Daywang ka grupo rong mga soldado nga naga serbisyo sa kaharian ag guina pamunuan it kada isaeang ka reyna.
Tumaliwan ro kinse años, gaoy eon ro mga tawo sa kagulo ag kapintas ko mga soldado sa pagdumaea ko daywang ka reyna. Para matapna, nagpueong ro mga ministro. Naghiwat sanda it pa indis-indis nga kon sin-o ro maka sakay sa ma ila nga kabayo it hari, imaw ro pagakilaeahon nga hari. Rayang kabayo ro paborito it hari ag idto imaw guina tago sa kwadra nga owa it makasueod.
Ko adlaw it paindis – indis, nagsuksok ro daywang ka reyna it eambong nga pang kabalyero ag nakatakop ro andang uyahon it helmet.
Unang sumakay si Reyna Sarita. Owa ngani imaw nakapaeapit hay dumamba eon ro kabayo. Owa it mahimo ro reyna kundi umatras.
Sumunod nga eomapit si Reyna Verna. Habuytan nana ro kabayo. Guin hameos nana ro oyahon. Nagasakay eon kunta imaw ogaling dumamba eon man ro kabayo ag inapok imaw sa eogta.
Isaeang ka simple nga eaeaki ro eomapit sa kabayo. Nagdungok ro kabayo sa eaeaki, tanda ko anang pagkilaea ag pagtahud. Hakibot ro mga ministro sa guin pakita it kabayo. Ko ulihi, hakilaea nanda nga onga gali imaw ni Haring Vizconde, si Bernardo sa anang dama. Paagi sa singsing, nakilaea ko kabayo kon sin-o ro anang mangin amo. Ro hugum ko singsing, imaw ro permeng guina hugum it kabayo kon sanda magpanaw it hari.
Owa it nahimo ro daywang ka reyna. Guin deklara nga hari si Bernardo ag una sanda nag-estar ko anang ina sa palasyo. Guin kilaea man ro daywang ka reyna ogaling owa eon sanda it poder una sa kaharian. Nagbuylog ro tanan nga soldados ag si Haring Bernardo eamang ro andang guina kilaea nga hari. /MP
No comments:
Post a Comment