Sugilanon Ni Tita Linda

Ni Tita Linda Belayro

Sandalyas Ni Mercurio

Mensahero it mga Diyos ag Diyosa sa bukid it Olympus si Mercurio. Guina saligan imaw ni Haring Zeus. Isaeang adlaw, guin sugo imaw ni Haring Zeus nga hatdan nana it pagkaon ro onga ni Haring Zeus sa isaeang ka mortal nga babaye. Pagkasayod ni Hera ko sugo it Hari nga asawa ni Haring Zeus, guin tawag nana si Mercurio. Guin painom imaw it Ambrosia, sangka ilimnon it mga Diyosa. 

Nahilong si Mercurio bangod sa guin inom. Guin tawag ni Hera si Minerva, Diosa it ka-a-eaman agod basahon ro paino-ino ni Mercurio. Guin bo-oe nana ro sandalyas ni Mercurio agod indi imaw maka eopad. Nangin ordinaryo nga tawo si Mercurio. Nag iba imaw sa mga hayop ag mga pispis agod magpamati ko andang mga guina hambae ogaling owa imaw it nasayuran kon siin makita ro anang sandalyas. 

Samtang naga pungko imaw sa kabatohan, habati-an nana ro suguilanon it mga isda hanungod sa sandalyas nga may pakpak ag naga siga sa idaeum it eawod. Guin sugo nana ro mga isda nga daehon kana ro sandalyas. Guin tuman si Mercurio. Owa mabuhayi, nagbalik ro mga isda nga daea ro sandalyas. Guin soksok ni Mercurio ro sandalyas ag bumalik sa bukid it Olympus. Guin sugid ro tanan kay Haring Zeus. Naakig ro hari. Guin paea-as si Hera ag idto imaw nagtener sa baeay ni Minerva agod istudyohan kon paano makabalik bilang asawa it Haring Zeus. /MP