Ni Tita Linda Belayro
Spirit of the Glass
(Ouija Board)
Mahilig magham-pang it "spirit of the glass" ro magka-barkadang Mayet, Babette ag Luchi. Kon owa sanda it klase, naga kulong sanda sa andang dormetoryo ag pag-abot it alas doce it gabi-i dayon nandang iham-ead ro andang ouija board. Nalipay guid sanda kon mag sabat ro baso sa andang guina pangutana maskin makahaeadluk sa andang pamatyag.
Isaeang gabi-i, sa andang paghampang, guin pangutana nanda kon sin-ong espiritu ro andang kahampang. Nagsabat paagi sa mga letrang guina daeaganan it baso nga akig kuno rayang espiritu tongod guina tubeag sanda sa andang pag-pahuway. Sa andang kahadluk, initsa nanda ro ouija board ag dumaeagan paguwa. Natumba rong kandila ag nasunog ro ouija board nga nangin abo. Sa pagkasunog kong karton, hakita ko tatlo ro andang kaugalingon nga naga dinaeagan sa maeapad nga lugar ag owa it katamnan kundi puro kabatuhan. Pag-abot sa liku-an, may hasubeang sanda nga magueang nga naka baston, mahaba ro anang buhok nga puro puti ag naka eambong it puti.
"Siin kamo gaadto?" pangutana it magueang. "Owa ngani kami kasayod, Lolo. Ano baeang lugar raya?"
"Raya rong pihak nga kinabuhi. Ro makasueod kara hay indi eon maka balik. Ano baea ro katapusan ninyo nga guin obra parabil mag-adto iya?" pangutana it magueang.
"Naghampang manlang kami it spirit of the glass." "Kon imaw ron, kaibahan ninyo ro mga nagtaeang nga espiritu nga guin maldisyon tongod sa mga kasae-anan nga guin obra nanda tag buhi pa sanda. Sanda man ro mga pilyong espiritu nga mahilig magsabat sa mga pangutana it mga espiritista. Sayod sanda kon paano kopyahon ro limog it mga buhi pati ro inyong mga patay, bangud nakaadto sanda sa siin nga lugar nga indi makit-an it mga mortal.
Guin sug-an ninyo ro puertahan para kamo makabalik. Bumalik eagi kamo parabil magsubeak ro adlaw. Bangud kon maabutan kamo it pagsubeak ko adlaw, paga tunawon kamo ko kaiinit it adlaw ag mangin abo kamo."
Dali-dali nga bumalik ro tatlo sa andang guin halinan. Hakita nanda ro puertahan ag dali-dali nga sumueod. Tama guid nga naga pamaeo it primero ro mga manok.
Golpeng sumara ro puertahan. Ag sa andang pagmuk-eat, idto eon sanda sa andang kwarto. Hakita pa nanda ro baso ogaling abo eon lang ro habilin sa ouija board. Halin kato, guin lipatan eon nanda ro paghampang it spirit of the glass.
Kada owa it klase, idto sanda naga bisita sa mga baeay ampunan ag magdaea it pagkaon sa mga nailo./MP
Isaeang gabi-i, sa andang paghampang, guin pangutana nanda kon sin-ong espiritu ro andang kahampang. Nagsabat paagi sa mga letrang guina daeaganan it baso nga akig kuno rayang espiritu tongod guina tubeag sanda sa andang pag-pahuway. Sa andang kahadluk, initsa nanda ro ouija board ag dumaeagan paguwa. Natumba rong kandila ag nasunog ro ouija board nga nangin abo. Sa pagkasunog kong karton, hakita ko tatlo ro andang kaugalingon nga naga dinaeagan sa maeapad nga lugar ag owa it katamnan kundi puro kabatuhan. Pag-abot sa liku-an, may hasubeang sanda nga magueang nga naka baston, mahaba ro anang buhok nga puro puti ag naka eambong it puti.
"Siin kamo gaadto?" pangutana it magueang. "Owa ngani kami kasayod, Lolo. Ano baeang lugar raya?"
"Raya rong pihak nga kinabuhi. Ro makasueod kara hay indi eon maka balik. Ano baea ro katapusan ninyo nga guin obra parabil mag-adto iya?" pangutana it magueang.
"Naghampang manlang kami it spirit of the glass." "Kon imaw ron, kaibahan ninyo ro mga nagtaeang nga espiritu nga guin maldisyon tongod sa mga kasae-anan nga guin obra nanda tag buhi pa sanda. Sanda man ro mga pilyong espiritu nga mahilig magsabat sa mga pangutana it mga espiritista. Sayod sanda kon paano kopyahon ro limog it mga buhi pati ro inyong mga patay, bangud nakaadto sanda sa siin nga lugar nga indi makit-an it mga mortal.
Guin sug-an ninyo ro puertahan para kamo makabalik. Bumalik eagi kamo parabil magsubeak ro adlaw. Bangud kon maabutan kamo it pagsubeak ko adlaw, paga tunawon kamo ko kaiinit it adlaw ag mangin abo kamo."
Dali-dali nga bumalik ro tatlo sa andang guin halinan. Hakita nanda ro puertahan ag dali-dali nga sumueod. Tama guid nga naga pamaeo it primero ro mga manok.
Golpeng sumara ro puertahan. Ag sa andang pagmuk-eat, idto eon sanda sa andang kwarto. Hakita pa nanda ro baso ogaling abo eon lang ro habilin sa ouija board. Halin kato, guin lipatan eon nanda ro paghampang it spirit of the glass.
Kada owa it klase, idto sanda naga bisita sa mga baeay ampunan ag magdaea it pagkaon sa mga nailo./MP
No comments:
Post a Comment