by DONIEL B. AGUIRRE
Naka-angkon it makabag-ong kaaeaman ro mga detainees it Bureau of Jail Management And Penology (BJMP) Aklan District Jail, sa Brgy. Nalook, Kalibo, Aklan ko nagtaliwan nga buean paagi sa sang adlaw nga Orientation Seminar on Ecological Solid Waste Management.
Ginpatigayon ku munisipyo it Kalibo ro paghiwat it seminar paa-agi sa Municipal Solid Waste Management Services sa taeatapan ni Mayor William Lachica. Sa pagpanguna ni Ms. Adorada Reynaldo, Public Service Officer II ag head ku Municipal Solid Waste Management Services. Anda karang gin hanas ro mga inmates it kada selda ku husto nga pag bueag ag pagpilak ku andang mga gamo.
Samtang ginpahayag man ni SINSP Freddie C Cobarde, warden it BJMP Aklan District Jail, sa 125 ka mga detainees ro anang pagpasaeamat sa andang kooperasyon. Ana mang ginpahayag nga ro R.A. 9003 hay ginhalinan ku Municipal Ordinance No. 2009-004 it munisipyo.
Daya hay pagsunod sa mando it gobyerno nga angkunon ro nasambit nga laye ag ipatuman ro ana karang mga implementing rules and regulations. Ana mang ginhimo nga ehemplo ro Sipalay, Negros Occidental nga obligasyon it lokal nga gobyerno nga mag patindog it Sanitary Landfill. Tungod kara, bilang sangka LGU, may poder man ro Kalibo nga ipatuman rong kasuguan.
Ginpahayag pa ni Cobarde nga rong sang adlaw nga orientation hay kaibahan sa pagtuman man ku andang programa sa rehabilitasyon ag impormasyon sa mga detainees eabi gid sa mga empleyado.
Dungan pa, ginpa-abot man ni Cobarde sa mga detainees ag personnel nga ro impormasyon nga andang matun-an hay ipa-ambit man sa andang mga pamilya ag panimaeay. Tungod nga ro basura hay pirmeng nagahalin sa mga pamaeay kapin pa ay ro banwa it Kalibo hay sangka highly urbanized municipality.
Rong Community Modality Program it Aklan District Jail it BJMP hay sangka continuing education program kung sa siin rikara ginaturo sa mga inmates ro mga makabag-ong kasuguan ag mga laye nga naga-eksister sa nasyong Pilipinas. /MP
No comments:
Post a Comment