Dumot
Ro dumot naga dueot it sobrang kapi-ot,
Sa dughan it isaeang tawong naga hupot,
Pagtueog guina Tubeag bukon it hamu-oh’
Tungod naga hupot it sobrang pag dumot.
Kon imong makita ro imong kaaway’
Nagabalik rong nagtaliwan nga uwa’t pahuway’
Ayaw magpadaeadaea sa mga panueay’
Basi sa ulihi ikaw makapatay.
Ro dumot sa tawo tanum it demonyo,
Guina sue-suean nana imong pagkatawo’
Kon magpadaea-daea isip maistorbo’
Haeos tanang tawo nanginkontra nimo.
Masakit ring oeo ikaw naga niwang’
Indi makakaon, tueog perming kueang’
Abo nga inadlaw ro imong guin uyang’
Nag asenso eot-a ratong guina dumtan.
Ro dumot sarang naton malikawan,
Ibutang sa paino-ino puro kamaeayran,
Mangin mapainubuson ag mangin huwaran,
Sa mga tigueang eakip kabataan. /MP
No comments:
Post a Comment