Ro pagsaka it pagsinueoktan sa koryente hay sandig sa Amended Electric Power Purchase Agreement sa tunga it Akelco ag Mirant/Global Business Power Corporation.
Pero sa pag-amyenda it orihinal nga EPPA hay ginlikom katon nga mga miyembro-konsumedor, ginpasa ag ginpatoman nga owa mag-agi sa naga-kaigo nga proseso it konsultasyon. Bisan ro pagpirma it kasugtanan hay idto ginhimo sa Metro Manila, ag sa pagpasa it resolusyon hay ginhimo daywang adlaw pagkatapos ko pagpirma it kasugtanan.
Klaro nga illegal, immoral ag ma-euib ro mga ginhimo it meyembro it Akelco board of directors. Sandig sa Section 5 (e) it by-laws it Akelco hay pwede nga pasakaan it kaso ro sin-o man nga miyembro it BOD, dahil sa andang aksyon ngara nga paghalit sa interes it kooperatiba ag ana nga mga miyembro–konsumidor.
Dugang pa, ro amended EPPA hay may probisyon nga ro Minimum Energy Off Take (MEOT) hay 4,000,000 kilowatt-hours kada buean. Bu-ot hambaeon, magamit man o indi it Akelco ro nasambit nga kantidad it koryente, pagabayaran rondaya it Akelco sa PhP2.10 nga dugang sa presyo it NPC, rondaya hay PhP8,400,000.00 nga dugang nga ba-eayran it Akelco sa Mirant/GBPC.
Rondaya nga dugang nga pagsinu-eoktan sa koryente hay owa it klaro nga basehan pero aton nga paga-abagahon sa sueod it biente (20) años.
Kapait-pait nga reseta nga pilit gid lang katon nga ginapatueon kapin pa kun atong painu-inuhon nga ro National Power Corporation hay matutum sa pagpasalig nga sarang sanda mag supply ku kinahangean nga koryente it Akelco. Sobra-sobra pa ngani suno kanda, ro ha-um kanda nga supply it elektrisidad.
Tapna-on ro pag-patuman it amended EPPA. Negosasyon it uman ro kasugtanan, ag ro negosasyon hay bukas sa miyembro–konsu-midor. Indi kita magsugot, ibasura ro amended EPPA ag ibalik kita sa NPC. /MP
Pero sa pag-amyenda it orihinal nga EPPA hay ginlikom katon nga mga miyembro-konsumedor, ginpasa ag ginpatoman nga owa mag-agi sa naga-kaigo nga proseso it konsultasyon. Bisan ro pagpirma it kasugtanan hay idto ginhimo sa Metro Manila, ag sa pagpasa it resolusyon hay ginhimo daywang adlaw pagkatapos ko pagpirma it kasugtanan.
Klaro nga illegal, immoral ag ma-euib ro mga ginhimo it meyembro it Akelco board of directors. Sandig sa Section 5 (e) it by-laws it Akelco hay pwede nga pasakaan it kaso ro sin-o man nga miyembro it BOD, dahil sa andang aksyon ngara nga paghalit sa interes it kooperatiba ag ana nga mga miyembro–konsumidor.
Dugang pa, ro amended EPPA hay may probisyon nga ro Minimum Energy Off Take (MEOT) hay 4,000,000 kilowatt-hours kada buean. Bu-ot hambaeon, magamit man o indi it Akelco ro nasambit nga kantidad it koryente, pagabayaran rondaya it Akelco sa PhP2.10 nga dugang sa presyo it NPC, rondaya hay PhP8,400,000.00 nga dugang nga ba-eayran it Akelco sa Mirant/GBPC.
Rondaya nga dugang nga pagsinu-eoktan sa koryente hay owa it klaro nga basehan pero aton nga paga-abagahon sa sueod it biente (20) años.
Kapait-pait nga reseta nga pilit gid lang katon nga ginapatueon kapin pa kun atong painu-inuhon nga ro National Power Corporation hay matutum sa pagpasalig nga sarang sanda mag supply ku kinahangean nga koryente it Akelco. Sobra-sobra pa ngani suno kanda, ro ha-um kanda nga supply it elektrisidad.
Tapna-on ro pag-patuman it amended EPPA. Negosasyon it uman ro kasugtanan, ag ro negosasyon hay bukas sa miyembro–konsu-midor. Indi kita magsugot, ibasura ro amended EPPA ag ibalik kita sa NPC. /MP
No comments:
Post a Comment