Sugilanon Ni Tita Linda

Sugilanon Ni Tita Linda

Eo-eobngan It Hari

Mabuhay eon nga naeobong ro haring Paraon. Amat-amat man nga nalipatan ko mga Ehipsyano ro Paraon tongod may una eon sandang bag-ong hari sa kaharian. Ogaling, parabil namatay ro hari, nagpili imaw it anang madaeang mga sueogo-on ag mga dama agod sa pihak nga kinabuhi, may una kana nga magasirbe bilang hari bisan idto eon sa pihak nga kinabuhi.

Isaea si Rana nga napili-an nga daehon nana, ogaling nagtinangis ro anang inang may masakit. Naghinyo ro anang ina tongod magueang eon imaw ag owa it maga tatap kana kun hi-aywan imaw kun maghalin sa palasyo bilang dama. Naakig ro hari tongod sa pag balibad. Paborito nana si Rana sa tanan nga mga dama. 

Guin hiwat eon ro seremonyas sa pag eobong sa hari. Kat nakasueod eon ro tanan nga mga sueogo-on ag dama, guin sadhan dayon do piramida, ogaling may hakita sanda nga aso nga may kaeayo nga nag guwa sa punta it piramida. Hinadlukan ro tanan busa nagdaea-eagan tongod una pa eang natabo ro bagay ngaron. Natapos eon do pag eobong sa hari.   

Ko gabi-e ngaron, indi hikatoeogan si Rana. Mingko guina bisitahan imaw ko Espiritu it hari ag naghambae kana. Nangayo it patawad ro hari. Guin suguid nana nga si Rana hay anang onga sa dati nana nga dama. Tongod nga mapintas ag estrikto ro Reyna, guintago ko hari ro hanabo sa tanan. Guin bilin nana kay Rana nga adtunan ro isaeang ka lugar ag boe-on nana ro singsing it hari para makabulig kana sa ulihing mga inadlaw. 

Sa uwa man magbuhay, namatay man ro reyna. Ro bag-ong hari hay nag-usoy man it mga dama. Hakita nana si Rana nga owa guihapon it asawa. Anang guin kaila-an ag guin baton man, busa nag asawa sanda ko hari. Abo ro habuligan ni Rana eabi guid ro mga pobre sa kaharian. Hasta makaron, owa pa guihapon it nakasayod sa sekreto ni Rana.  /MP