Ni Tita Linda Belayro
Ham-an Nagtuman Si Tado?
Ham-an Nagtuman Si Tado?
Si Tado hay isaeang ka maisot nga ongang Hapones. Idto naga estar imaw kaibahan ko anang Lolo sa kilid it bukid sa maisot nga banwa sa Japan. Naga-libot ro mga tanum nga paeay sa lugar ko guina estahan ni Tado. Tanan ro mga tawo hay may mga uma nga paeay kaibahan man nanday Tado. Adlaw-adlaw naga adto ro mga tawo sa andang paeayan. Kon hapon, mauli sanda. Ro mabilin hay si Tado ag anang Lolo tongod una sanda naga estar.
Maskin limang dag-on paeang ro edad ni Tado, sayod eon imaw kon ano kahayga ro paeay sa mga Hapones. Pilang beses gin hambaean ko anang Lolo nga ro paeay ro andang pagkaon. Kon ano ro matabo sa andang tanum, tanan sanda hay magutuman. Owa naila magutum si Tado, busa kat amat-amat nga naga eoto eon ro paeay, duro guid ro kalipay ni Lolo tongod sa indi magbuhay hay paga anihon eon ro mga paeay.
Ogaling isaeang adlaw, may natabo nga indi malipatan sa kahadluk ni Tado. Sanda eamang ko anang Lolo ro habilin una sa andang lugar. Samtang, nagapahilay-hilay ro anang Lolo, may hakita imaw idto sa may baybayon. Nang eopsi imaw ag owa maka hambae it madali. Dayon nanang singgit kay Tado. “Dali, daehi ako it suga.” Owa man it boe balikid nga sumunod si Tado. Dumaeagan imaw sa andang dapog ag guin sug-an ratong mga dagaming gatong ag ita-o kay Lolo nana. Bukon eamang it sang balik sa kada sugo ni Lolo nana. Ko ulihi, nageapad ro sunog nga mga paeay. Napatangis si Lolo. Indi nana masayran kon ham-an it guin sug-an ko anang Lolo ro mga aeanihon eon nga paeay. Pagkakita ko mga tawo ko madamoe nga aso, dali-dali sanda nga daeagan pasaka sa bukid. Akig nga akig sanda. “Sin-o ro owa it kaeag nga nag-obra kara?” akig nga pangutana it mga tawo. “Ako ro nag-obra karon, ag dungan turo sa banda it baybayon.”
Hakita ko mga tawo ro mat simbahan nga humbak nga naga paadto sa takas. Guin eapawan ro andang kabaeayan ag mga kasapatan. Pag-abot sa bukid, napusa ro humbak. Tama guid nga nakasaka ro mga tawo. Abo guid ro pasaeamat ko mga tawo sa Lolo ni Tado.
Makaron, sayod eon sanda kon ham-an it guin sug-an ko anang Lolo ro paeayan. Bu-ot nana nga tanan ro tawo hay magsaka idto sa bukid agod mailikaw sa dayuyon nga naga paadto sa andang baryo. Maskin nasunog ro andang kapaeayan, libre man ro andang kabuhi.
“Indi kamo mag-pasaeamat kakon, kay Tado kamo mag-pasa-eamat, bangud kon owa imaw magtuman kakon, owa nakon masalbar ro inyong kabuhi.” Bugaeon si Tado ko mga oras ngaron bangud naka-tuman imaw nga owa it pangutana. Imaw man ro akong pagtuman kay Jesus Christ, bangud sa atong pagto-o kana, nagatuman kita nga owa it pagpangutana. /MP
Maskin limang dag-on paeang ro edad ni Tado, sayod eon imaw kon ano kahayga ro paeay sa mga Hapones. Pilang beses gin hambaean ko anang Lolo nga ro paeay ro andang pagkaon. Kon ano ro matabo sa andang tanum, tanan sanda hay magutuman. Owa naila magutum si Tado, busa kat amat-amat nga naga eoto eon ro paeay, duro guid ro kalipay ni Lolo tongod sa indi magbuhay hay paga anihon eon ro mga paeay.
Ogaling isaeang adlaw, may natabo nga indi malipatan sa kahadluk ni Tado. Sanda eamang ko anang Lolo ro habilin una sa andang lugar. Samtang, nagapahilay-hilay ro anang Lolo, may hakita imaw idto sa may baybayon. Nang eopsi imaw ag owa maka hambae it madali. Dayon nanang singgit kay Tado. “Dali, daehi ako it suga.” Owa man it boe balikid nga sumunod si Tado. Dumaeagan imaw sa andang dapog ag guin sug-an ratong mga dagaming gatong ag ita-o kay Lolo nana. Bukon eamang it sang balik sa kada sugo ni Lolo nana. Ko ulihi, nageapad ro sunog nga mga paeay. Napatangis si Lolo. Indi nana masayran kon ham-an it guin sug-an ko anang Lolo ro mga aeanihon eon nga paeay. Pagkakita ko mga tawo ko madamoe nga aso, dali-dali sanda nga daeagan pasaka sa bukid. Akig nga akig sanda. “Sin-o ro owa it kaeag nga nag-obra kara?” akig nga pangutana it mga tawo. “Ako ro nag-obra karon, ag dungan turo sa banda it baybayon.”
Hakita ko mga tawo ro mat simbahan nga humbak nga naga paadto sa takas. Guin eapawan ro andang kabaeayan ag mga kasapatan. Pag-abot sa bukid, napusa ro humbak. Tama guid nga nakasaka ro mga tawo. Abo guid ro pasaeamat ko mga tawo sa Lolo ni Tado.
Makaron, sayod eon sanda kon ham-an it guin sug-an ko anang Lolo ro paeayan. Bu-ot nana nga tanan ro tawo hay magsaka idto sa bukid agod mailikaw sa dayuyon nga naga paadto sa andang baryo. Maskin nasunog ro andang kapaeayan, libre man ro andang kabuhi.
“Indi kamo mag-pasaeamat kakon, kay Tado kamo mag-pasa-eamat, bangud kon owa imaw magtuman kakon, owa nakon masalbar ro inyong kabuhi.” Bugaeon si Tado ko mga oras ngaron bangud naka-tuman imaw nga owa it pangutana. Imaw man ro akong pagtuman kay Jesus Christ, bangud sa atong pagto-o kana, nagatuman kita nga owa it pagpangutana. /MP
No comments:
Post a Comment