Ni Tita Linda Belayro
Sumpa It Suba
Ro suba it Catmon, sulo nga naga angot sa daywang ka baryo it Lagunoy ag Sapnit. Iya kara naga bo-oe it pang eaha, pangbunyag sa tanum ag guinapaligos ko mga tawo. Kada agahon, abo nga mga onga ro nagapaligos parabil mag adto sa eskwelahan.
Kon adlaw nga Sabado, makita ro mga tawo sa kilid it pangpang it daywang ka suba nga naga eaba samtang ro mga onga hay naga pinaligos.
Ko sangka Sabado, nag su-ud si Satur agod maligos man kunta sa suba. Isaea imaw ka binatilyo nga may deperensya ro anang oyahon, buktot pa ag naga ikang-ikang kon magtikang. Pagkakita kana ko mga onga, guinhinaboy imaw it bato, samtang ro mga kaeaeakihan hay guinpulihan nanda ag pilit nga guintum-oy sa tubi agod bunyagan kuno.
Ano pa’t hapung-an si Satur bangud sa mabuhay sa idaeum it tubi. Nag-hinibayag ro mga onga imaw man ro ibang guinikanan nga nakakita. Nag-uli nga masubo si Satur. Naeo-oy imaw sa anang kaugalingon. Owa pa imaw it guinikanan ag owa pa kana it may nag-apin.
Umpisa kato, owa eon makita si Satur una sa andang lugar. Makalipas ro napueong dag-on, bag-o eon ro kapitan ko andang barangay ag nagbag-o man ro Mayor. Padayon nga may nagakaeomos runa sa suba. Pareho it unga ag magueang, owa it guinapili ro suba. Nagkangay sanda it medico agod maghaead it tuos o haead nga karne it manok sa tubi. Pag-oli it mga tawo, may maputi nga alima ro nagbo-oe ko ratong karne ag guin hunos paidaeum.
Pagkaaga, nagbisita ro bag-ong Mayor runa sa suba. Abo eon abi nga reklamo ro mga tawo busa guintan-aw nana ro lugar. Indi imaw magpati ko sumpa. Indi eang kuno antiguhan mag eangoy ro mga tawo ag pinulikat ro andang siki. Ngani naeomos. Nag eosob guid imaw sa tubi agod ipakita nga owa it sumpa.
Kat idto eon imaw sa tunga it suba, may naghunos kana paidaom. Suminggit imaw, hangawa ro mga naga tan-aw. May halimaw kuno sa idaeum. Dali-dali man nga nag responde ro mga tanod ag kapulisan. Naga pang eopsi si Mayor pagtakas. Umabot man dayon ro pari una sa andang lugar. Guin binditahan nana ro tubi ag maghambae, "Kon sin-o ka man nga may kaakig sa mga tawo, guina pangayo namon nga patawaron mo kami. Kon may atraso kami kimo, batuna ro among pagpangayo it patawad."
Owa it suko-suko, may tumunga sa mga tanum nga water lily nga isaeang ka mahaba it buhok, gutay-gutay nga eambong, buktot ag masyadong maputi ro tumakas sa pangpang.
"Si Satur, Si Satur", gali ro saeot. Patyon imaw!" singgit it mga tawo.
"Indi anay kamo magpahinali, bukon it saeot o halimaw si Satur. Nagbaeos eamang imaw sa guin obra kana, mga napueong dag-on eon ro nakataliwan. Isaea ako sa amigo nana nga nakasayod ko tanan. Magpangayo kita tanan it patawad kana. Tanan ro nakasaksi, nag-dungok ro andang oeo ag dueongan nga nagpangayo it patawad kay Satur. Guindaea si Satur idto sa simbahan agod tatapon ko pari hasta magbaskog ro anang eawas. Ka’t mabakod eon imaw, guin obra imaw nga sacristan it simbahan. Owa eon imaw guin kahadluki it mga onga.
Owa eon it sumpa. Owa eon it halimaw sa suba it Catmon. /MP
Kon adlaw nga Sabado, makita ro mga tawo sa kilid it pangpang it daywang ka suba nga naga eaba samtang ro mga onga hay naga pinaligos.
Ko sangka Sabado, nag su-ud si Satur agod maligos man kunta sa suba. Isaea imaw ka binatilyo nga may deperensya ro anang oyahon, buktot pa ag naga ikang-ikang kon magtikang. Pagkakita kana ko mga onga, guinhinaboy imaw it bato, samtang ro mga kaeaeakihan hay guinpulihan nanda ag pilit nga guintum-oy sa tubi agod bunyagan kuno.
Ano pa’t hapung-an si Satur bangud sa mabuhay sa idaeum it tubi. Nag-hinibayag ro mga onga imaw man ro ibang guinikanan nga nakakita. Nag-uli nga masubo si Satur. Naeo-oy imaw sa anang kaugalingon. Owa pa imaw it guinikanan ag owa pa kana it may nag-apin.
Umpisa kato, owa eon makita si Satur una sa andang lugar. Makalipas ro napueong dag-on, bag-o eon ro kapitan ko andang barangay ag nagbag-o man ro Mayor. Padayon nga may nagakaeomos runa sa suba. Pareho it unga ag magueang, owa it guinapili ro suba. Nagkangay sanda it medico agod maghaead it tuos o haead nga karne it manok sa tubi. Pag-oli it mga tawo, may maputi nga alima ro nagbo-oe ko ratong karne ag guin hunos paidaeum.
Pagkaaga, nagbisita ro bag-ong Mayor runa sa suba. Abo eon abi nga reklamo ro mga tawo busa guintan-aw nana ro lugar. Indi imaw magpati ko sumpa. Indi eang kuno antiguhan mag eangoy ro mga tawo ag pinulikat ro andang siki. Ngani naeomos. Nag eosob guid imaw sa tubi agod ipakita nga owa it sumpa.
Kat idto eon imaw sa tunga it suba, may naghunos kana paidaom. Suminggit imaw, hangawa ro mga naga tan-aw. May halimaw kuno sa idaeum. Dali-dali man nga nag responde ro mga tanod ag kapulisan. Naga pang eopsi si Mayor pagtakas. Umabot man dayon ro pari una sa andang lugar. Guin binditahan nana ro tubi ag maghambae, "Kon sin-o ka man nga may kaakig sa mga tawo, guina pangayo namon nga patawaron mo kami. Kon may atraso kami kimo, batuna ro among pagpangayo it patawad."
Owa it suko-suko, may tumunga sa mga tanum nga water lily nga isaeang ka mahaba it buhok, gutay-gutay nga eambong, buktot ag masyadong maputi ro tumakas sa pangpang.
"Si Satur, Si Satur", gali ro saeot. Patyon imaw!" singgit it mga tawo.
"Indi anay kamo magpahinali, bukon it saeot o halimaw si Satur. Nagbaeos eamang imaw sa guin obra kana, mga napueong dag-on eon ro nakataliwan. Isaea ako sa amigo nana nga nakasayod ko tanan. Magpangayo kita tanan it patawad kana. Tanan ro nakasaksi, nag-dungok ro andang oeo ag dueongan nga nagpangayo it patawad kay Satur. Guindaea si Satur idto sa simbahan agod tatapon ko pari hasta magbaskog ro anang eawas. Ka’t mabakod eon imaw, guin obra imaw nga sacristan it simbahan. Owa eon imaw guin kahadluki it mga onga.
Owa eon it sumpa. Owa eon it halimaw sa suba it Catmon. /MP
No comments:
Post a Comment