Saturday, January 21, 2006

Asean Economic Ministers Retreat Sa Aklan

By Terence June T. Toriano

Mapaead eon man ro Probinsya it Akean tongod ro prestihiyosong ASEAN Economic Ministers Retreat hay pagahiwatun sa isla it Boracay sa paeaaboton nga Abril 24 hasta 28, 2006. Kaibahan nga maga-aeadto kara ro iba-ibang ASEAN Economic Ministers, anda nga counterparts halin sa Estados Unidos, European Union, People’s Republic of China, Republic of Korea, andang Senior Economic Officials ag staff.
Ro iba pa hay magadaea it anda nga asawa para makita man nanda ro ginapabugae ag ginakilaea sa bug-os nga kalibutan bilang isaeang island beach paradise, ro isla it Boracay.
Bangud kara, ro atong lokal nga gobyerno it Kalibo nga ginapangunahan it atong alkalde, Mayor Raymar A. Rebaldo, hay maga-umpisa eon it pagprepara para sa pag-abot it mga ASEAN Economic Ministers, kaibahan eon ro ma-id-id nga pagpanglimpyo sa aton nga banwa ag pagpahaum sa possible nga pagbisita it mga asawa it mga opisyales it ASEAN sa mga programa it ika-50 nga Anibersaryo it Probinsya it Akean, sa ika-7 nga Aklan Piña and Fiber Festival ag pag-courtesy call sa ama it atong banwa.Pinaagi kara, bukon eang it sa Kalibo Sto. Niño Festival makilaea ro banwa it Kalibo ag probinsyang Akean kundi sa hospitality ag kindness man it mga Kalibonhon ag Akeanon. mailto:madyaas_pen@yahoo.com

No comments: