Tita Linda Belayro
Si Helen It Troy
Sa bukid it Olympus, may tatlong ka Diyosa nga nagapainsigan kon sin-o ro pinaka puderosa. Si Minerva nga diyosa it ka-aeam, si Venus nga diyosa it pagkagwapa, ag si Hera nga diyosa it manggad ag poder sa pagdumaea.
Agud masulbar ro andang problema, kon sin-o guid ro puderosa, nag-usoy sanda it solusyon. May hakita sanda nga isaeang ka nagabantay it karnero. Imaw si Prinsepi Paris, nga onga ni Haring Priam it syudad it Troy.
Guinpaeapitan ko tatlo rong prinsepi nga naga tukar it plauta. Guinpakita nanda ro isaeang ka mansanas nga may sueat. "Sa pinakapuderosa". Guinhambaean imaw nga ro anang pagataw-an ko royong mansanas hay ro magadaug ag kilaeanhon nga pinakapuderosa. Guin pahayag kay Prinsipe Paris nga kon ita-o nana kay Minerva rong mansanas, pagahimuon imaw nga pinaka ma-aeam nga tawo sa bilog nga kalibutan. Kon kay Hera, himu-on imaw nga pinaka manggaranon, ag kon kay Venus, makita nana ro pinaka gwapa nga babaye sa bilog nga kalibutan.
Tongod soltero, naganyak imaw nga makita rong pinakagwapa nga babaye, ngani anang guindawat rong mansanas kay Venus. Guin hambaean dayon imaw nga mag-adto sa syudad it Sparta agod makita rong pinaka gwapa nga babaye. Busa nagpahaum si Prinsipe Paris ag dayon nag adto.
Pag-abot nana sa Sparta, idto nana hakilaea si Helen, nga asawa ni Haring Menelaus, isaeang ka may edad nga hari. Nagkaintindihan sanda sa mapig-ud nga tiempo, ag bangud sa kabatan-on ag kagwapohon ni Prinsepi Paris, nagmunot si Reyna Helen idto sa Troy.
Pagkasayod ni Haring Menelaus sa pagkaduea ko anang asawa, nangayo imaw it bulig sa ibang kaharian. Nagbulig kana sanday Hector, Achilles ag Ulysses. Nagpaeayag sanda paadto sa Troy agod bawi-on si Helen. Daea nanda rong mga barko nga puno it mga armas ag mga soldado.
Sa sueod it napueong dag-on, sige ro andang pag-inaway. Gusto nanda nga sudlon rong syudad ogaling mabakod rong pader nga nagalibot sa gin harian. Ngani haeos nagkaea-ubos eon ro andang mga pagkaon ag puro eon maeoya ro mga soldados nanday Haring Menelaus.
Sa ka-aeam ni Hector, ag sa anang pag panguna, nag obra sanda it isaeang ka kabayo nga kahoy. Pagkatapos, guin butang nanda sa puertahan it kurae nga pader. Guin sug-an nanda rong mga baeay-baeay ag guin-oli rong mga bapor. Hakibot rong mga taga Troy. Naila sanda it duro bangud naga kahueogan nga napaslawan sanda -nga mga Spartans, ngani guin taw-an sanda it regalo bago sanda pumanaw.
Sa kalipay it mga Trojans, guinbuksan nanda rong puertahan it syudad agod ipasueod rong kabayo. Nag celebrar it kadaeag-an rong tanan. Naga bahâ rong aeak ag mga pagkaon. Nagkaea-hilong rong tanan ag owa eon naka-oli kundi ona eon lang sanda nag-eogad sa plaza.
Pag-abot it tungang gabi-i, samtang malinong rong tanan, amat-amat nga nagbukas rong tiyan it kabayo ag nag paeana-og rong mga soldado. Paagi man sa senyas it isaeang ka sueô, ratong mga barkong nagpauli hay nagbaealik ag dungan nanda nga guinsug-an rong syudad it Troy. Namatay sa pakipag-away si Prinsepi Paris kaibahan ko anang mga ginikanan. Habawi si Helen ag guinbalik sa Sparta. Maskin habawi eon si Helen, nagabalikid pa guihapon imaw sa ama’t-amat nga nagakatupok nga syudad it Troy bangud ro anang tagipusuon hay nabihag it isaeang ka binata ag gwapuhon nga prinsipe.
Sunô sa mga historya, rong uyahon ni Helen hay nakapaeayag it mga barko, nagsakripisyo it libo-libong kabuhi nga nakapa-ilo it libo-libo man nga mga pamilya. /MP
Agud masulbar ro andang problema, kon sin-o guid ro puderosa, nag-usoy sanda it solusyon. May hakita sanda nga isaeang ka nagabantay it karnero. Imaw si Prinsepi Paris, nga onga ni Haring Priam it syudad it Troy.
Guinpaeapitan ko tatlo rong prinsepi nga naga tukar it plauta. Guinpakita nanda ro isaeang ka mansanas nga may sueat. "Sa pinakapuderosa". Guinhambaean imaw nga ro anang pagataw-an ko royong mansanas hay ro magadaug ag kilaeanhon nga pinakapuderosa. Guin pahayag kay Prinsipe Paris nga kon ita-o nana kay Minerva rong mansanas, pagahimuon imaw nga pinaka ma-aeam nga tawo sa bilog nga kalibutan. Kon kay Hera, himu-on imaw nga pinaka manggaranon, ag kon kay Venus, makita nana ro pinaka gwapa nga babaye sa bilog nga kalibutan.
Tongod soltero, naganyak imaw nga makita rong pinakagwapa nga babaye, ngani anang guindawat rong mansanas kay Venus. Guin hambaean dayon imaw nga mag-adto sa syudad it Sparta agod makita rong pinaka gwapa nga babaye. Busa nagpahaum si Prinsipe Paris ag dayon nag adto.
Pag-abot nana sa Sparta, idto nana hakilaea si Helen, nga asawa ni Haring Menelaus, isaeang ka may edad nga hari. Nagkaintindihan sanda sa mapig-ud nga tiempo, ag bangud sa kabatan-on ag kagwapohon ni Prinsepi Paris, nagmunot si Reyna Helen idto sa Troy.
Pagkasayod ni Haring Menelaus sa pagkaduea ko anang asawa, nangayo imaw it bulig sa ibang kaharian. Nagbulig kana sanday Hector, Achilles ag Ulysses. Nagpaeayag sanda paadto sa Troy agod bawi-on si Helen. Daea nanda rong mga barko nga puno it mga armas ag mga soldado.
Sa sueod it napueong dag-on, sige ro andang pag-inaway. Gusto nanda nga sudlon rong syudad ogaling mabakod rong pader nga nagalibot sa gin harian. Ngani haeos nagkaea-ubos eon ro andang mga pagkaon ag puro eon maeoya ro mga soldados nanday Haring Menelaus.
Sa ka-aeam ni Hector, ag sa anang pag panguna, nag obra sanda it isaeang ka kabayo nga kahoy. Pagkatapos, guin butang nanda sa puertahan it kurae nga pader. Guin sug-an nanda rong mga baeay-baeay ag guin-oli rong mga bapor. Hakibot rong mga taga Troy. Naila sanda it duro bangud naga kahueogan nga napaslawan sanda -nga mga Spartans, ngani guin taw-an sanda it regalo bago sanda pumanaw.
Sa kalipay it mga Trojans, guinbuksan nanda rong puertahan it syudad agod ipasueod rong kabayo. Nag celebrar it kadaeag-an rong tanan. Naga bahâ rong aeak ag mga pagkaon. Nagkaea-hilong rong tanan ag owa eon naka-oli kundi ona eon lang sanda nag-eogad sa plaza.
Pag-abot it tungang gabi-i, samtang malinong rong tanan, amat-amat nga nagbukas rong tiyan it kabayo ag nag paeana-og rong mga soldado. Paagi man sa senyas it isaeang ka sueô, ratong mga barkong nagpauli hay nagbaealik ag dungan nanda nga guinsug-an rong syudad it Troy. Namatay sa pakipag-away si Prinsepi Paris kaibahan ko anang mga ginikanan. Habawi si Helen ag guinbalik sa Sparta. Maskin habawi eon si Helen, nagabalikid pa guihapon imaw sa ama’t-amat nga nagakatupok nga syudad it Troy bangud ro anang tagipusuon hay nabihag it isaeang ka binata ag gwapuhon nga prinsipe.
Sunô sa mga historya, rong uyahon ni Helen hay nakapaeayag it mga barko, nagsakripisyo it libo-libong kabuhi nga nakapa-ilo it libo-libo man nga mga pamilya. /MP
No comments:
Post a Comment