Dayuyon (Tidal Wave)
Si haring Neptuno ro guinakilaea ko mga griyego nga
diyos it kadagatan. Imaw ro naga buyot ko tanan nga kutob sa idaeum it dagat.
Isaeang
adlaw, may hakita imaw nga kahayag sa ibabaw it tubi. Hakita man ni prinsesa
Serena. Bo-ot nga masayuran ni prinsesa Serena kon ano rato. Lingid sa ka-aeaman
ko anang ama, nagpanaw imaw agod sundan
rong kahayag, hasta nakaabot imaw sa Roxas boulevard. Rikara nagdungka ro
barko.
Abo nga hakita
imaw sa ibabaw nga mo-paeang nana hakita. May nagapamunit sa bato nga anang
guin panaguan. Hakita imaw ko binatilyong si Rod. Nagsinggit si Rod it “Kataw!
kataw! may kataw sa may tubi”. Nagpaeapit ro mga tawo. Guinpalibutan rong bato.
Nageonip ro mga coast guard ag nadakpan nanda si Serena. Na-ila nga makalibre
si Serena ogaling owa imaw maka libre sa mga coast guard.
Samtang sa idaeum it dagat hay nagkasangag man rong tanan
sa pagkaduea ni Serena. Guin mandu-an ko hari ro tanan nga siyokoy nga usuyon
ro prinsesa. Kun indi hikita, kamatayan rong kabaylo sa andang kapaslawan. Sa pagpamati
ko andang dueongan, guin sundan nanda rong guin agyan ni Serena. Tama eamang ro
andang pag-abot ay guina karga eon si Serena sa isaeang ka patrol car.
Guin kumpas
nanda ro andang baston. Umalsa rong tubi sa eawod. Maeagko nga humbak rong eumapaw
sa Roxas Boulivard. Abo nga saeakyan ro nasamad. Duro mang kabuhi rong naduea.
Sige rong kompas it baeod sa mga Baraka ag kab-aeayan. Samtang nagahumbak,
andang guin bo-oe si Serena ag pumanaw. Pag-abot sa palasyo, nangayo it patawad
si Serena sa anang amang hari.
Tumaliwan ro mga dinag-on, bumisita si Serena sa anang
guin halinan. Sayod imaw nga abo nga kabuhi rong naduea. Naila imaw nga
makabaeos. Nagbalik imaw sa Roxas Boulivard. Madahan eon imaw nga nagapaniid
agod indi imaw makita.
Sa lugar
nga guinapamunitan, may hakita imaw nga eaeaki, may kaibhan nga unga nga
maisot. C Rod, sangka amang mahugod, ag mayad-ayad gid it pamatasan. Naga
talikod rong eaeaki ngani owa nana hakita rong pagbutang it mga perlas sa anang
aeat. Pag-uli ko eaeaki nga owa it iba kundi si Rod, nakita nana ro mga perlas.
Nagduda imaw nga ratong kataw ro nagta-o kana.
Nagmanggaranon
si Rod ag anang pamilya. Owa nakasayod rong tanan kon siin imaw nakabo-oe ko
anang manggad. Ro isaeang ka manogpamonit o pigadong tawo basta mayad-ayad it
binuhatan, mahimo mang mag-angkon it manggad. /MP
No comments:
Post a Comment