Ro Agila Ag Ro Salimbabatang
Ni Tita Linda Belayro
May isaeang ka Agila nga bag-o eamang halin sa anang pugad. Bo-ot nana nga makakita it pagkaon para sa anang mga isiw. Nasub-eang nana ro isaeang ka pispis nga Salimbabatang.
“Hoy! Bo-ot mo nga masukoe kakon it paindis-indis kon sin-o rong mas madasig mageopad?” Nabatyagan ko Salimbabatang ro pagkabugaeon it agila, busa naila imaw nga taw-an it leksyon.
“Okey, guinabaton ko ro imong pag-ayat. Hin-uno kita maumpisa?” Ayat man it Salimbabatang. Nakita nana nga sa indi magbuhay hay maoean guid.
“Sige, ma ompesa kita eagi”, sabat it Salimbabatang. Napan-ohan ko salimbabatang nga madamoe rong gae-om ag indi magbuhay hay maga-uean.
“Magdaea ka it sangkilo nga bueak it boyboy o kapok. Ako hay magadaea man it sangkilong asin. Naila ro Agila ay maugan man lang rong bueak it boyboy. Owa imaw kasayod nga pareho manlang it bug-at ro sang kilong asin ag sang kilong bueak it boyboy, ogaling mabangkag pa ro bueak sa asin.
Nag ompesa eon rong paindis-indis.
Magaompesa sanda sa ibabaw it unang bukid ag magatapos sa ikaywang bukid.
Mangan-angan golpe nga umuean it mabaskog. Rong boeak it boyboy ko Agila hay nabunak, eantop it tubi ngani naga bug-at ro anang pagdaea. Samtang nagkatunaw mat a rong asin ko salimbabatang bosa nag ugan ro anang pagdaea. Madali imaw nakaabot sa pangaywang bukid. Naghinay rong pageopad kong Agila bangod nag binug-at ro anang daeang boeak it boyboy. Nauna sa ikaywang bukid magtugpa ro Salimbabatang. Imaw ro nagdaug sa paindis-indis. Sa kahuya, owa nagpakita ro Agila sa Salimbabatang. /MP
No comments:
Post a Comment