Ni Ronquillo C. Tolentino
Ro Amo Kon Amat Esclavo Man
Anano kono ro nagapaga-oy sa ga-oy eon nga negosyante? Ro pangutana ngara hay ginsabat anay sa bukon it mabuhay eon nga tiempo sa sangka clinica sa Pennsylvania Hospital.
Ro sabat hay nagasugid nga ro mga negosyantes nga experto sa anda nga linya it negosyo hay esclavos ko anda nga negosyo. Ag sa minatuod, ka-abo-an ko mga negosyantes ngara nga esclavos it anda nga negosyo hay may komon nga masakit mana it sakit sa tagipusu-on, "high blood pressure," ulcer sa tiyan o may "emotional breakdown"
Sa pag-analisar, raya ro mga rasones kon ham-an ka-abo-an sa mga negosyantes hay esclavos it anda nga mga negosyo o kon ham-an sanda masakiton.
Una, nadaea nanda ro problema sa negosyo bisan sa pagkatueog o nadaea nanda ro problema sa andang baeay;
Pangaywa, sa pag ilabas, abo pa ro anda nga devosyon sa paghambae it negosyo ko sa pagkaon;
Pangatlo, owa sanda naga bakasyon it mayad sa pag-eaom nanda nga matumba ro ana nga negosyo kon owa sanda; ag
Pangap-at, sa anda nga pag seryoso sa negosyo hay owa eon sanda it oras nga maghampang o mag-ehersisyo.
Busa ngani, sa kalibutan ngara ag it sa medyo makangawa-ngawa, ro amo kon amat esclavo man.
Ro Pag-eobot Ko Imo Nga Negosyo
It sa medyo owa eon ginahambaea nga ro una nga dapat nimo nga himu-on kon ikaw maga-adto sa sueod it eanas it negosyo hay ro pagpanaw it kinahangeanon sa pag-eobot it proyekto o imo nga negosyo. Apang una man guihapon ro pag-pangatuna it mga prospektibo nga capitalista o negosyante kon anano ro mahita-o nga impormasyon o pagturo it mga opurtunidad sa negosyo.
Mayad-ayad panan-awon nga iya eamang sa Aklan hay owa kita ginakueanga it mga tawo nga may maisog nga panan-aw sa pagbutang it mga negosyo. Apang may una man sa mga naila magnegosyo o sa negosyo eon guid ngani nga indi nanda maklaro ro anda nga idea o ro anda nga panan-aw sa negosyo. May una man nga it sa gusto eamang magpanan-aw it mayd nga prospecto it ginansya ag pagpanan-aw man nga ro operasyon o hueag sa negosyo hay maeomo nga hi-intindihan.
Ro pagnegosyo hay mayad nga bagay ogaling bukon it maeomo. Ro negosyo bukon eamang sa panan-aw it ginansya kundi man kon ma-ono mo mahueag ro imong negosyo sa anang pagbahoe.
Sa amon nga panan-aw iya sa probinsya it Akean, ro negosyante nga naga bahoe hay imaw ro may panan-aw it sacrifisyo ag risgo. Imaw ro negosyante nga may sangkoe nga paghibaeo it negosyo o sangkad sa experyensiya.
Imaw man ro panan-aw nga ro nag umwad sa negosyo hay ro tawong mahugod magtu-on it tanan-tanan nga bagay hanungdan sa anda nga negosyo nga hasudlan apang may ana man nga paino-ino it ana mismo nga kakueangan. Imaw man ron ro negosyo nga ka-antigohan magtimbang ko ana nga optimismo nga imaw magadurar o mangin madinaeag-on sa negosyo apang may anang practical nga pagpaino-ino it realidad.
Sa mga naga-paninguha, owa eon gui-ato it mayad nga baylo sa pagtu-on ag pag experien-sya sa negosyo. Sa may mga ambisyon sa negosyo, it sa siguro sadya-an ro pag panumdum nga sa negosyo bukon eagi it imo nga paino-inohon hay ikaw eagi sa ibabaw. Ag manguin mapinuslanon gui-ato ro pagpaninguha ag pagta-o it pilang dag-on bilang tumoeo-on it negosyo parabil umadto sa pagbahoe.
It sa medyo ro leksyon sa negosyo hay ro pagtu-on anay it pa agi halin sa maisot dayon pabahu-eon. /MP
Ro sabat hay nagasugid nga ro mga negosyantes nga experto sa anda nga linya it negosyo hay esclavos ko anda nga negosyo. Ag sa minatuod, ka-abo-an ko mga negosyantes ngara nga esclavos it anda nga negosyo hay may komon nga masakit mana it sakit sa tagipusu-on, "high blood pressure," ulcer sa tiyan o may "emotional breakdown"
Sa pag-analisar, raya ro mga rasones kon ham-an ka-abo-an sa mga negosyantes hay esclavos it anda nga mga negosyo o kon ham-an sanda masakiton.
Una, nadaea nanda ro problema sa negosyo bisan sa pagkatueog o nadaea nanda ro problema sa andang baeay;
Pangaywa, sa pag ilabas, abo pa ro anda nga devosyon sa paghambae it negosyo ko sa pagkaon;
Pangatlo, owa sanda naga bakasyon it mayad sa pag-eaom nanda nga matumba ro ana nga negosyo kon owa sanda; ag
Pangap-at, sa anda nga pag seryoso sa negosyo hay owa eon sanda it oras nga maghampang o mag-ehersisyo.
Busa ngani, sa kalibutan ngara ag it sa medyo makangawa-ngawa, ro amo kon amat esclavo man.
Ro Pag-eobot Ko Imo Nga Negosyo
It sa medyo owa eon ginahambaea nga ro una nga dapat nimo nga himu-on kon ikaw maga-adto sa sueod it eanas it negosyo hay ro pagpanaw it kinahangeanon sa pag-eobot it proyekto o imo nga negosyo. Apang una man guihapon ro pag-pangatuna it mga prospektibo nga capitalista o negosyante kon anano ro mahita-o nga impormasyon o pagturo it mga opurtunidad sa negosyo.
Mayad-ayad panan-awon nga iya eamang sa Aklan hay owa kita ginakueanga it mga tawo nga may maisog nga panan-aw sa pagbutang it mga negosyo. Apang may una man sa mga naila magnegosyo o sa negosyo eon guid ngani nga indi nanda maklaro ro anda nga idea o ro anda nga panan-aw sa negosyo. May una man nga it sa gusto eamang magpanan-aw it mayd nga prospecto it ginansya ag pagpanan-aw man nga ro operasyon o hueag sa negosyo hay maeomo nga hi-intindihan.
Ro pagnegosyo hay mayad nga bagay ogaling bukon it maeomo. Ro negosyo bukon eamang sa panan-aw it ginansya kundi man kon ma-ono mo mahueag ro imong negosyo sa anang pagbahoe.
Sa amon nga panan-aw iya sa probinsya it Akean, ro negosyante nga naga bahoe hay imaw ro may panan-aw it sacrifisyo ag risgo. Imaw ro negosyante nga may sangkoe nga paghibaeo it negosyo o sangkad sa experyensiya.
Imaw man ro panan-aw nga ro nag umwad sa negosyo hay ro tawong mahugod magtu-on it tanan-tanan nga bagay hanungdan sa anda nga negosyo nga hasudlan apang may ana man nga paino-ino it ana mismo nga kakueangan. Imaw man ron ro negosyo nga ka-antigohan magtimbang ko ana nga optimismo nga imaw magadurar o mangin madinaeag-on sa negosyo apang may anang practical nga pagpaino-ino it realidad.
Sa mga naga-paninguha, owa eon gui-ato it mayad nga baylo sa pagtu-on ag pag experien-sya sa negosyo. Sa may mga ambisyon sa negosyo, it sa siguro sadya-an ro pag panumdum nga sa negosyo bukon eagi it imo nga paino-inohon hay ikaw eagi sa ibabaw. Ag manguin mapinuslanon gui-ato ro pagpaninguha ag pagta-o it pilang dag-on bilang tumoeo-on it negosyo parabil umadto sa pagbahoe.
It sa medyo ro leksyon sa negosyo hay ro pagtu-on anay it pa agi halin sa maisot dayon pabahu-eon. /MP
No comments:
Post a Comment