SI ABRAHAM – RO MATINUMANON

    Si Abraham hay isaeang ka matarong ag diyos nanon nga naga estar sa syudad it Ur. Malipayon sandang nagakabuhi kaibahan ko anang asawang si Sarah, ugaling owa sanda it unga. Ro ibang tawo sa Ur hay naga pangamuyo sa mga rebulto o diyos-diyosan. Owa sanda naga sunod sa Diyos. Anda nga ginpang patay ro mga diyosnanon nga tawo kaibahan eon karon si Abraham. Sa pangamuyo ni Abraham, gin sabat imaw it Diyos nga paga bendisyonan ro anang pamilya ag pagadaehan it gutom ro mga tawong makasae-anan. Gin pa aywan kanda rong Ur ag paga tuytuyan sanda padueong sa eogta nga gin promesa. 

  Nag-abot rong tag-gutom. Owa it pagkaon . Nag-usoy man it pagkaon sanday Abraham hasta naka abot sanda it Ehipto. Bugana rong pagkaon sa Ehipto. Nakita rong kapisan ni Abraham . Naila-an imaw kong hari it Ehipto ag gin taw-an sanda it mga hayop ag mga regalo. Owa mag buhay, gin aywan nanda rong Ehipto hasta naka abot sanda sa eogta nga gin promesa.

   Gin tao it Diyos kay Abraham rong lugar. Nagtaliwan ro mga dinag-on, may nagtuhaw nga pag ilinaway sa royong lugar. Gin tipon ni Abraham ro anang mga kabig, agod makipag-away. Nagda-og sanda. Nagkakilaea sanda ni Melchizedek, isaeang ka matarung nga hari. Isaeang ka saserdote si Melchizedek ag anang gin bendisyonan si Abraham. Nagbayad it isaea sa napueong parte si Abraham kay Melchizedek nga mangin mabahoe ro anang pamilya ag may saserdote. Nangin tag-ana pa sanda kong eogta nga gin promesa. 

Sa tunga kong kaabo-abo nga grasya, masubo gihapon si Abraham tungod nga owa pa sanda it unga.  Sa pangamuyo ni Abraham  gin hambae it Diyos nga maka-angkon sanda it unga. Pagatawgon imaw nga si Isaac ag magserbe sa Diyos nga magatuman ko mga kasugu-an. Sa edad ni Sarah nga 90, imaw hay nag-unga bangod owa it imposible sa Diyos. Sa pag-angkon nanda it unga, nangin kompleto rong kalipay ni Abraham.    Boot nga masayran it Diyos rong pagka matinumanon ni Abraham. Gin sugo imaw nga ihaead ni Abraham si Isaac. Indi nana boot nga isakripisyo ro anang unga, apang boot nanang tumanon rong sugo it Diyos. Nagpanaw imaw sa bukid nga gin taeana kaibahan si Isaac ag daywang kabulig sakay sa Arsno. Pag-abot sa lugar nga gin taeana, gin pahaum ni Abraham rong altar ag gin kamada rong mga gatong nga andang daea. 

“Tatay, siin rong dapat nga ginasakripisyo?” pangutana ni Isaac. “Indi ka magkabaeaka, ro Diyos rong maaeam”, pasalig man ni Abraham. Gin gapos nana si Isaac ag gin paeobog sa altar. Owa gid magpamalibad si Isaac. Kat ana eon kunta nga ita-rak rong kutsilyo kay Isaac, gin punggan imaw it anghel. Nasayran it Diyos nga matinumanon si Abraham ag ha-um imaw nga magsunod. Paglingat ni Abraham, hakita nana rong tiyo it karnero nga nakapueapot sa mga tanum.

Rato ro andang gin obra nga haead. Nalipay ro Diyos. Napamatud-an ko Diyos ro pagkamatinumanon ni Abraham. Nag promesa rong Diyos nga paga bendisyunan rong andang pamilya. Ro gin himo ni Abraham hay imaw man rong gin obra ko atong Ama sa eangit. Gin tugutan ko atong Ama sa eangit nga isakripisyo ro anang unga nga si Hesukristo nga mamatay para katon. Si Hesus ag si Isaac hay pareho nga palangga nanda ro andang Ama ag ha-um sanda nga magtuman sa andang kasugu-an./MP