Ro Stimulation Therapy and Activity Center (STAC) hay iga halin sa Daeangpan it Kababayenhan sa may Dr. Rafael S. Tumbokon Memorial Hospital paadto sa dati nga site it Kalibo Municipal Library sa Municipal Hall, Veterans Avenue, Poblacion, Kalibo.
Ro pagpadaeagan hay nasandig man sa Breaking Barriers for Children program ko Munisipyo it Kalibo sa pagpanguna it atong alkalde, Mayor Raymar A. Rebaldo, kaibahan sa service organizations it Katipunan ng May Kapansanan sa Pilipinas Incorporated (KAMP), ag Danish Society of Polio and Accident Victims.
Ro bag-ong nahamtangan hay magatao it kumbenyenteng lugar para padayong mataw-an it kinahangeanon nga therapy ro mga onga nga may pisikal nga kapansanan nga taga Kalibo ag maging mahayag man ro andang paea-aboton, nga sanda hay makabulig sa progreso it banwang Kalibo. Ro pag saylo hay pagahiwatun pagkatapos ko paghalin it Kalibo Municipal Library sa bag-ong lokasyon sa 2nd Floor it Capt. Gil Mijares Building. /MP
No comments:
Post a Comment