Viva kay Senior Santo Niño! Hala Bira!!! Maura eon man ro atong mabaskog nga singgit ag mabati-an sa banwa it Kalibo, Aklan sa petsa 20 it Pebrero, 2006 bisan maeayo pa ro Santo Niño celebration.
Ro singgit ag pagsadsad sa karsada hay sa pag abi-abi it mga bisita halin pa sa iba ibang banwa, siudad ag provinsya it Pilipinas. May mga tres mil (3,000) ro ma abot nga bisita agud maga participar sa 2006 National Schools Press Conference (NSPC) nga iya pagahiwatun sa Kalibo halin it petsa 20 hasta 24. Sanda ra hay mga estudyante, manugturo, school principals ag mga mataas it poder nga officials sa DepEd.
Ro pag abi abi hay paga pangunahan ni Mayor Raymar A. Rebaldo it Kalibo. Sono kay Rebaldo, kaibahan do DepEd Aklan sa pagtau it kasadya sa mga bisita ag sa pag pa ambit it mayad ayad nga eksperyensiya it Ati Atihan sa Kalibo.
Paga patunogon eon man ro mga tamboe ag lyre ag maga sadsad ro iba ibang tribe ag grupo nga naka bisti it sari saring kolor ag uniporme. Sono kay Mayor Rebaldo, ro mayad ayad nga pagbaton naton it mga bisita maga serbing saeaming it mga Aklanon nga mahimong ipa abot man it mga naka niid nga bisita ag mahimong iga sugid man nanda sa andang dogalingong banwa.
Ko Valentine’s Day, February 14, adlaw it tagipusuon, nagpanagtag man it tig P5,000 sa 30 ka mga pomoeoyo sa Bachaw Sur. Raya hay bulig financial sa kada isaea agud mapa umwad ro andang negosyo ag sanda hay maga ugan man ro pag pangabuhi.
Sono kay Ms. Janet Calizo – Project Evaluation Officer it DSWD, ro cuarta ngara hay paga bayaran sa sueod it daywang dag-on. Owa it tubo. Igapahueam man dayon sa iba. Ro ratong nakahueam eon ogaling dapat pang pahueamon hay paga pahueamon man guihapon. /MP
No comments:
Post a Comment