Desiderata In Aklanon

Ni Ronquillo C. Tolentino

Pumanaw ka it calmado sa tunga-tunga
it sangag, kasaku ag tanda-i kon nano ro
kalinung ro mabu-oe sa kahipos;

Kon possibli eamang ag owa it pag-ayaw sa imo
nga pagkatawo, maguing mayad ka sa tanan nga tawo;

Hambaea ro kamatu-oran it hipos ag claro; ag
magpamati ka sa iba; ay bisan ro owa it hatun-an o
ignorante hay may anda man ron nga istorya nga ikasugid;

Imo nga dili-an ro pag-iba sa mga masyado nga
sangag ag masyado nga agresibo nga mga tawo ay raya
hay istorbo sa ispiritu;

Kon magcomparar ka kimo sa iba, basi maguing
bugaeon ka o mapait kimo ro pagcumparar; ay sa
minatuod, may una nga kapos pa kimo ag manaba man
kimo nga tawo;

Pangasadyaha ro imo nga naguing ha-abot eakip
eon ro imo nga planos;

Magta-o ka it interes sa imo nga pagpangita o
profesyon bisan manaba sa imo pagpangita; royon hay it
sa matsa eon ng manggad sa nagakinambyo nga swerte
sa pangabuhi;

Mag-ehersisyo ka it mayad nga pagtimbang ag
panan-aw sa imong negosyo; ay ro kalibutan hay puno
man it pagluko. Pero raya indi magbulag kimo nga
dagaya man ro mga virtudes; dagaya man guihapon
ro mga tawo nga naga-pangita it mata-as nga virtudes ag
haeos tanan nga lugar, ro pagpangabuhi hay puno man it
pagkabaganihan;

Maghueag ka it natural; especialmente, ayaw
magpakita it apeksyon o higugma nga bukon it minatu-od.
Ag indi ka man magpaeayo sa kahueogan it higugma;
ag sa napangatubang nga pagmaea it higugma; ag
pagdesperar, ro higugma hay pirme nga mana ko halimunon.

Batonon nimo ro imo nga pagueang ag pag-
agi it mga dinag-on ag dayon mo nga batonon ro
realidad it imong pagueang eakip ro imong pagta-o
it lugar sa mga binatan-on nga magabueos;

Magtago ka it abo nga kusog it ispiritu agud
may igapanagang ka sa mga kalisud. Pero indi ka
man magpaino-ino pirme it kalisdanan;

Dagaya nga pagkahadlok hay natawo sa
kaga-oy o sa kamingaw;

Sa pihak it mayad nga pagdisiplina it imong
personalidad, magpanan-aw ka man it mayad kimo
ag imong pangeawason. Ikaw hay unga man it
kalibutan mana ko kakahuyan ag ko mga estrellas.
Ag may derecho nga maguing iya sa kalibutan.
Bisan naila ka o owa, owa it duda nga ro kalibutan
Hay una nimo nga makita;

Busa ngani, magpangabuhi ka it kalinung sa
Diyos, kon nano man ri imo nga pagpanan-aw
ko imo nga Diyos. Ag kon nano ro imo ha-obra o
aspirasyones sa pangabuhi. Ag sa kasangag it
pagpangabuhi, magkalinung ka it imo nga kaeag;

Ag sa ana nga sangag, kalisud, kasum-oe o
Sa panamgo nga owa hituman, may kayad-ayad
Guihapon ro aton nga kalibutan.

Magdahan ka ag magtan-aw nga ikaw malipay.