Tita Linda Belayro
Ozomundo
Isaeang ka soldado rong nag-uli sa andang lugar pagkatapos it giyera. Malinong eon rong tanan ngani bu-ot man imaw mag pahuway. Tongod patay eon ro anang mga ginikanan, idto imaw magdayon sa anang magueang nga eaeaki, ogaling owa imaw pag batuna tongod abô man ro mga onga ko anang magueang.
Nagpanaw eon lang imaw nga owa it direksyon kon siin ma-agto. Maangan-angan, may nagpakita kana nga isaeang ka eaeaki nga naka suksok it berdeng jacket.
"Sayod ko kon ano ro imong problema. Kon maipakita mo ro imong kaisog sa pagpatay ko royong oso, tanan ro imong problema hay maeubad", hangkat kong eaeaki. Owa mag daywang isip rong soldado. Sinunggaban eagi nana ro oso ag binali ro anang li-og hasta namatay. Parabil nana guin ta-o ro premyo sa soldado, may isaea pa gid nga kondisyon nga gin patuman ro eaeaki. Kinahangean nga isuksok nana ro berde nga jacket. Indi imaw magpaligos, magpanudlay ag indi man mag-ilis sa sueod it pitong dag-on. Kon mamatay ro soldado parabil magpitong dag-on, ana ko eaeaki ro anang kaeag. Ogaling kon makaeampas imaw sa pitong dag-on, mangin hilway eon ro soldado.
Guin tao sa soldado ro berdeng jacket. Sa kada ibutang ro anang alima sa boesa it jacket, may kwarta imaw nga maku-ot. Naduea dayon ro eaeaki nga owa it iba kundi rong Diablo.
Sa primerong dag-on, maugan pa ro anang pamatyag. Pirme imaw nga may kwarta ag naga pinamasyar maskin si-in. Sa masunod nga dag-on, amat-amat nga nagdamoe ro anang buhok ag bungot. Naghaba man ro anang kuko ag mingko halimaw eon ro anang hitsura. Tanan ro mga onga hay nahadluk kana ag owa man it naga baton nga hotel ag restaurant tongod basi maapektuhan ro andang negosyo. Bangud sa abô ro anang kwarta, guin doble nana ro bayad sa isaeang ka kwarto agud ona imaw maga estar.
Isaeang gabi-i, samtang naga pahaum imaw it pagkatoeog, may nabatian imaw nga pagpinanghayhay. Sa anang pagtan-aw, isaea gali ka tatay nga sobra ro problema tongod ro anang baeay hay guina remate it bangko bangud owa imaw makabayad ko anang utang. Na eo-oy imaw sa anang tatlong ka onga nga babaye nga puro daeaga. Sa anang ka eo-oy, guin taw-an nana it kwarta ro tatay agud eokaton ro anang baeay. Sa abong kalipay, guindaea nana ro soldado kon siin idto ro anang pamilya.
Pag-abot nanda sa baeay, guin papili imaw kon sin-o sa tatlo ro anang pakaslan. Hinadlukan ro daywang ka magueang ag nagpanago sanda sa sueod. Ogaling ro kamanghuran hay nag pasugot nga magpakasae bangud sa kaeo-oy sa anang ama. Guin kasae ro daywa. Pagka kasae kanda nag ea-ong si Ozomundo nga magpanaw. Guin-aywan nana ro kapihak ko anang singsing sa anang asawa. Guin hambae nana nga kon indi imaw makabalik sa sueod it tatlong dag-on, nagakahueogan nga patay eon imaw.
Tumaliwan ro pitong dag-on. Guin bawi eon nana ro anang kahilwayan sa Diablo. Guin limpyuhan pa imaw parabil pumanaw ro Diablo. Nag-uli eon imaw sa anang asawa. Gwapo imaw ag owa it nakakilaea kana.
Pag abot sa baeay ko anang panugangan, nagpakilaea imaw nga isaeang ka General. Matsa indi masayran kon ano ubrahon ko daywang ka magueang nga onga. Nag sueod sanda sa kwarto agod mag pagwapa, samtang ro kamanghuran hay naka beste it itom nga nagapungko sa isaeang ka sofa. Guin paeapitan imaw ko owa nakilaea nga asawa. Guin taw-an imaw it aeak sa baso. Pag inom ko babaye, nakita nana ro pihak nga sigsing. Guin bo-oe ko babaye ro ka pihak nga naga kabit sa anang kulentas. Nagkilaea sanda nga daywa. Pag-guwa ko daywang ka magueang, Hakibot sanda sa pag kasayod nga ratong hitsurang halimaw hay imaw gali rayang gwapohon nga Heneral. Sa kaakig nanda, nag eompat ro sambilog sa kantil ag ro sambilog hay naghikag paagi sa paghigot it eobid sa anang li-og.
Nagpakita it oman ro Diablo kay Ozomundo. "Naduea kakon ro sambilog ogaling may baylo nga daywa," ea-ong it Diablo nga naga hinaeakhak. /MP
Nagpanaw eon lang imaw nga owa it direksyon kon siin ma-agto. Maangan-angan, may nagpakita kana nga isaeang ka eaeaki nga naka suksok it berdeng jacket.
"Sayod ko kon ano ro imong problema. Kon maipakita mo ro imong kaisog sa pagpatay ko royong oso, tanan ro imong problema hay maeubad", hangkat kong eaeaki. Owa mag daywang isip rong soldado. Sinunggaban eagi nana ro oso ag binali ro anang li-og hasta namatay. Parabil nana guin ta-o ro premyo sa soldado, may isaea pa gid nga kondisyon nga gin patuman ro eaeaki. Kinahangean nga isuksok nana ro berde nga jacket. Indi imaw magpaligos, magpanudlay ag indi man mag-ilis sa sueod it pitong dag-on. Kon mamatay ro soldado parabil magpitong dag-on, ana ko eaeaki ro anang kaeag. Ogaling kon makaeampas imaw sa pitong dag-on, mangin hilway eon ro soldado.
Guin tao sa soldado ro berdeng jacket. Sa kada ibutang ro anang alima sa boesa it jacket, may kwarta imaw nga maku-ot. Naduea dayon ro eaeaki nga owa it iba kundi rong Diablo.
Sa primerong dag-on, maugan pa ro anang pamatyag. Pirme imaw nga may kwarta ag naga pinamasyar maskin si-in. Sa masunod nga dag-on, amat-amat nga nagdamoe ro anang buhok ag bungot. Naghaba man ro anang kuko ag mingko halimaw eon ro anang hitsura. Tanan ro mga onga hay nahadluk kana ag owa man it naga baton nga hotel ag restaurant tongod basi maapektuhan ro andang negosyo. Bangud sa abô ro anang kwarta, guin doble nana ro bayad sa isaeang ka kwarto agud ona imaw maga estar.
Isaeang gabi-i, samtang naga pahaum imaw it pagkatoeog, may nabatian imaw nga pagpinanghayhay. Sa anang pagtan-aw, isaea gali ka tatay nga sobra ro problema tongod ro anang baeay hay guina remate it bangko bangud owa imaw makabayad ko anang utang. Na eo-oy imaw sa anang tatlong ka onga nga babaye nga puro daeaga. Sa anang ka eo-oy, guin taw-an nana it kwarta ro tatay agud eokaton ro anang baeay. Sa abong kalipay, guindaea nana ro soldado kon siin idto ro anang pamilya.
Pag-abot nanda sa baeay, guin papili imaw kon sin-o sa tatlo ro anang pakaslan. Hinadlukan ro daywang ka magueang ag nagpanago sanda sa sueod. Ogaling ro kamanghuran hay nag pasugot nga magpakasae bangud sa kaeo-oy sa anang ama. Guin kasae ro daywa. Pagka kasae kanda nag ea-ong si Ozomundo nga magpanaw. Guin-aywan nana ro kapihak ko anang singsing sa anang asawa. Guin hambae nana nga kon indi imaw makabalik sa sueod it tatlong dag-on, nagakahueogan nga patay eon imaw.
Tumaliwan ro pitong dag-on. Guin bawi eon nana ro anang kahilwayan sa Diablo. Guin limpyuhan pa imaw parabil pumanaw ro Diablo. Nag-uli eon imaw sa anang asawa. Gwapo imaw ag owa it nakakilaea kana.
Pag abot sa baeay ko anang panugangan, nagpakilaea imaw nga isaeang ka General. Matsa indi masayran kon ano ubrahon ko daywang ka magueang nga onga. Nag sueod sanda sa kwarto agod mag pagwapa, samtang ro kamanghuran hay naka beste it itom nga nagapungko sa isaeang ka sofa. Guin paeapitan imaw ko owa nakilaea nga asawa. Guin taw-an imaw it aeak sa baso. Pag inom ko babaye, nakita nana ro pihak nga sigsing. Guin bo-oe ko babaye ro ka pihak nga naga kabit sa anang kulentas. Nagkilaea sanda nga daywa. Pag-guwa ko daywang ka magueang, Hakibot sanda sa pag kasayod nga ratong hitsurang halimaw hay imaw gali rayang gwapohon nga Heneral. Sa kaakig nanda, nag eompat ro sambilog sa kantil ag ro sambilog hay naghikag paagi sa paghigot it eobid sa anang li-og.
Nagpakita it oman ro Diablo kay Ozomundo. "Naduea kakon ro sambilog ogaling may baylo nga daywa," ea-ong it Diablo nga naga hinaeakhak. /MP
No comments:
Post a Comment