Friday, September 12, 2008

District Election Sa Districts 1, 2 ag 6 Nakataeana Sa Disyembre 2008


Ginapahisayod sa tanan nga miyembro-konsumidor it Aklan Electric Cooperative, Inc. (AKELCO) nga nasakpan it District 1- Malay/Buruanga, District 2- Pandan/Libertad ag District 6-Lezo/Malinao nga nakataeana sa Dis-yembre 2008 ro District Elections sa mga nasambitan nga Distrito it AKELCO.
Angot kara, ginapangabay it AKELCO management ro mga natungdan nga konsumidor nga owa pa naka-pangaean kinyo ro inyong gina-bayran nga monthly billing nga mag-agto sa pinakamaeapit nga opisina it AKELCO paying office para mag-apply it membership agud nga ika-transfer sa inyong kaugalingon nga pangaean ro inyong AKELCO monthly billing.
Raya hay para maka-eakot kamo sa Master List of Voters para sa paea-abuton nga District Election it District 1 (Malay/Buruanga) sa Disyembre 6, 2008, District 2 (Pandan/Libertad) sa Disyembre 13, 2008 ag District 6 (Lezo/Malinao) sa Disyembre 20, 2008.
Ag hayra ro schedule it Cut-off date para sa mga qualified voters, umagto eamang sa AKELCO paying office para makabuoe it membership application form:
District 1 Malay/Buruanga-bago mag Setyembre 05, 2008; District 2 Pandan/Libertad-bago mag Setyembre 12, 2008; District 6 Lezo/Malinao bago mag Setyembre 19, 2008
Magdaea eamang it sedula, 2 x 2 ID picture ag identification card kaibahan ro inyong power bill. Sa dugang nga impormasyon, magpangutana kay LOVELL GEPTE-JULIANO, Public Information Officer. /MP

No comments: