Tita Linda Belayro
Historya It Isaeang Ka Plastic
Bukon ako it tawo, kundi sangka bagay. Hayra rang historya. Halin ako sa tindahan, guinbakae ako it isaeang ka babaye agod pustan it ibis. Pag-abot sa anda, pinilak ako sa liwan maeapit sa kanae. Umuean, tumaas ro tubi, inanod ako ag nagbara sa aeagyan it tubi.
Nagbaeanaw ro uto it anang baeay tongod indi eon makaagi ro tubi bangud nag-eopon ako. Nagbaeanaw man sa ibang lugar. Inanod pa guid ro ibang mga basura. Umuean it madamoe. Nagtaas pa guid ro tubi. Baha runa sa lugar. Guinsoe-ob ro saeog ko baeay ni Piling ratong nagbakae kakon. Padayon ro pag inanod ko iba-ibang gam-ok ogaling idto ako nagabara sa aeagyan it tubi. Tongod sa pag-eapaw ko tubi, nasamad ro mga igdaeapat ni Piling; TV, refrigerator, washing machine ag iba pa. Nagtiner ro baha. Mabuhay parabil maghubas. Guin basoe ni Piling ro gobiyerno munisipyo. Mahinay kuno ro paglimpyo. Mahinay man kuno ro mga tawuhan ni Mayor sa pagresponde agod mahubas ro baha.
Ham-an it nagdaeom ro tubi ag mabuhay mahubas? Sin-o ro dapat basueon? Kada isaea kinyo ro dapat basueon. Kami nga mga plastik hay abo ro among naibulig kinyo. Kon kamo antigo mag-usar kamon, mapuslan pa guid ninyo kami, ogaling owa it pataratas nga guin haboy eang kami maski siin. Busa, kami hay nangin kaaway ag nagadueot it kasamaran ay inyo manlang kami nga guina pabay-an ag guina pahamakan.
Para maka minos, hugasan kami pag-katapos it pag gamit ag dayon ibuead. Obrahan man kami nga mga dekorasyon o kundi i-recycle para sa ibang gamit.
Ipilak kami sa basurahan agod indi magkalhit. Kamo ro dapat basueon kon may baha. Kon permeng limpyo ro inyong kanae ag owa kami nagakalhit maski siin, indi magdaeum ro baha ag owa it kagamitan nga masamad. /MP
No comments:
Post a Comment