PAHISAYOD SA PUBLIKO

"BALIK-ESKWELA DISKWENTO" PROJECT

Gina pahisayod sa publiko nga may pagahiwaton nga ap-at nga adlaw nga "Balik-Eskwela Diskwento" Project ro Department of Trade and Industry in coordination sa Provincial Government of Aklan, DepEd, PIA ag mga local dealers it school supplies sa petsa 25 hasta 28 it Mayo.

Ro ga partisipar kara hay mga local retailers it school supplies iya sa Kalibo. Magabaligya sanda it anda nga produkto sa manaba o discounted nga presyo sa sueod it ap-at nga adlaw sa Trade Hall, Aklan Capitol grounds, Kalibo, Aklan.

Ro katuyo-an it raya nga proyekto hay mataw-an it kahigayunan ro atong pumueoyo eabi gid ro mga ginikanan, maestro/maestra ag mga estudyante nga makabakae it mga school supplies kapareho it notebooks, pad papers, crayons, lapis, ballpens, bags, school bags, uniforms, ag iba pang school ag office supplies sa manaba nga presyo.

Ngani gina imbitahan gid namon kamo nga magbisita sa Trade Hall ag mag avail it mga dekalidad ag affordable nga school supplies. Magkita-kita kita idto!

Sa dugang nga kasayuran, tumawag eamang sa opisina it Department of Trade & Industry sa telepono numero 268-5280 o 500-7605. /MP