Magic Ting-Ting
Ting-ting rong sunlog kay Tote bangod sa anang kaniwang. Kon sa Aklanon pa silhig. Putos abi it panit ag owa it tambok ro anang eawas. Guinasunlog imaw ko anang mga kaklase, ogaling owa guid naga kaugot imaw. Alinon mo kon imaw ro guina tao kana it Dios. Raya eamang ro anang pag aeam-aeam sa anang kaugalingon.
Maskin imaw ron si Tote nga maniwang, paborito guid imaw ko andang maestra. Guinasugo imaw nga mag-pilak it basura pagkatapos it klase. Malipayon guid si Tote kon sugu-on imaw ko anang titser.
Ko isaeang adlaw, samtang nagapilak imaw it basura, may hakita imaw nga silhig nga ting-ting sa puno it mangga nga maeapit sa dap-ong it basura. Matsa may isip o paino-ino rayang silhig. Guin pueot ni Tote rong silhig. Umalsa rong silhig ag dinaea si Tote sa ibabaw. Owa guid it nakakita kana tongod idto tanan sa sueod it klase ro mga onga. Sa kakibot ni Tote, guin hambaean nana rong silhig nga ibalik imaw sa idaeom. Nagtuman rong silhig. Guintago nana sa mga eamay rong silhig ag bumalik imaw sa kwarto. Nagduhong si Tote it madali dali parabil sumueod sa kwarto. Pag-eaum ko anang maestra hay may guina batyag imaw. Pagkatapos it klase, nagpilak eon man imaw it basura. Anang guin bo-oe rong silhig ag guin manduan nga indi magpahalata. Guindaea nana rong silhig sa andang baeay putos it manila paper.
Owa pa naka abot imaw sa baeay, abo nga mga tawo rong naga sininggit it sunog. Maeapit eon lang rong sunog sa andang baeay ag maymasakit pa ro anang igmanghod. Guin bo-oe nana rong silhig ag guinmanduan nga maeopad sanda. Sa madali eang nga oras, idto eon sanda sa ibabaw. Ro silhig hay nagsabwag it tubi sa kaeayo. Bangud sa tubi golpeng napaeong rong kaeayo. Nasalbar tanan rong mga baeay. Nagpaeayo si Tote agod indi makilaea.
Nangin palaisipan it mga tawo kon sin-o ratong nagsakay sa silhig. Halin kato ag bangud sa gahum it silhig, abo rong nabuligan ni Tote. Perme guid nanang guina gamit rayang gahum sa kamaeayran, nongka sa kaeainan. /MP mailto:madyaas_pen@yahoo.com
Ting-ting rong sunlog kay Tote bangod sa anang kaniwang. Kon sa Aklanon pa silhig. Putos abi it panit ag owa it tambok ro anang eawas. Guinasunlog imaw ko anang mga kaklase, ogaling owa guid naga kaugot imaw. Alinon mo kon imaw ro guina tao kana it Dios. Raya eamang ro anang pag aeam-aeam sa anang kaugalingon.
Maskin imaw ron si Tote nga maniwang, paborito guid imaw ko andang maestra. Guinasugo imaw nga mag-pilak it basura pagkatapos it klase. Malipayon guid si Tote kon sugu-on imaw ko anang titser.
Ko isaeang adlaw, samtang nagapilak imaw it basura, may hakita imaw nga silhig nga ting-ting sa puno it mangga nga maeapit sa dap-ong it basura. Matsa may isip o paino-ino rayang silhig. Guin pueot ni Tote rong silhig. Umalsa rong silhig ag dinaea si Tote sa ibabaw. Owa guid it nakakita kana tongod idto tanan sa sueod it klase ro mga onga. Sa kakibot ni Tote, guin hambaean nana rong silhig nga ibalik imaw sa idaeom. Nagtuman rong silhig. Guintago nana sa mga eamay rong silhig ag bumalik imaw sa kwarto. Nagduhong si Tote it madali dali parabil sumueod sa kwarto. Pag-eaum ko anang maestra hay may guina batyag imaw. Pagkatapos it klase, nagpilak eon man imaw it basura. Anang guin bo-oe rong silhig ag guin manduan nga indi magpahalata. Guindaea nana rong silhig sa andang baeay putos it manila paper.
Owa pa naka abot imaw sa baeay, abo nga mga tawo rong naga sininggit it sunog. Maeapit eon lang rong sunog sa andang baeay ag maymasakit pa ro anang igmanghod. Guin bo-oe nana rong silhig ag guinmanduan nga maeopad sanda. Sa madali eang nga oras, idto eon sanda sa ibabaw. Ro silhig hay nagsabwag it tubi sa kaeayo. Bangud sa tubi golpeng napaeong rong kaeayo. Nasalbar tanan rong mga baeay. Nagpaeayo si Tote agod indi makilaea.
Nangin palaisipan it mga tawo kon sin-o ratong nagsakay sa silhig. Halin kato ag bangud sa gahum it silhig, abo rong nabuligan ni Tote. Perme guid nanang guina gamit rayang gahum sa kamaeayran, nongka sa kaeainan. /MP mailto:madyaas_pen@yahoo.com
No comments:
Post a Comment