Ni Tita Linda Belayro
Ro Katapusan Nga Heredero Heredero
Mabuhay eon nga owa it Hari rong Kaharian it Meng. Ro naga pungko bilang hari hay imaw ro ministro. May interes ro ministro nga mag pabilin sa trono, busa guina regaluhan nana ro ibang mga opisyal it palasyo. Agud mag abo ro anang manggad, sige man ro anang pinaubra it mga proyekto sa palasyo ogaling owa man it poeos sa mga tawo tongod mga pamilya eamang nana ag anang mga opisyal ro naga benepisyo.
Nag-abot eon ro tag gutom. Abo ro mga pobreng owa it guina kaon. Sige ro andang pagsinggit ag pagprotesta ogaling nangin bulag ag bongoe ro ministro. Una sa palasyo hay owa it gutom bangud una kanda tanan ro kita it palasyo. Nagpadayon ro kalisod sa mga tawo. Sige ro andang pinangamuyo nga konta hay may makasalvar kanda ag maduea eon ro ministro una sa palasyo.
Isaeang adlaw, may ermitanyo nga halin sa maeayo nga lugar ro nag-abot sa rayang palasyo. May daea imaw nga mayad nga balita. Suno kana, may una eon nga natawo nga eapsag nga mangin hari. Rayang eapsag hay guina ban-tayan it ap-at ka puersa agod indi mapatay maskin sin-o ag sa tama nga owa it nakasayod.
Indi eang sanda maduea-an it pag-eaum. Ro ap-at ka puersa imaw ro hangin, kaeayo, tubi ag katamnan. Ro hangin ro nagata-o it kabuhi, ro kaeayo ro naga tao it kainit, ro tubi ro bueong sa uhaw ag ro katamnan ro anang pagkaon. Owa imaw naga kaon it karne kundi tanum ag prutas eamang. Tongod kara, halipatan eon ko tanan ro andang problema.
Madasig ro pag-taliwan it oras, ka’t abo nga mga tawong guin pang dakup it hari bangud owa naga bayad it buhis. Kon indi sanda maka bayad hay paga utdan it oeo. Abo nga owa nakabayad bangud sa kapobrehon.
Kat una eon sanda sa plaza para utdan it oeo, nag hangin it mabaskog, umuean ag nagpangilat. Pag pundo it hangin ag kilat, may nagpakita nga isaeang ka naka kabayo. Naga mascara pa imaw it itum. Guin pangsalbar ro mga guin utdan it oeo. Guin eagas imaw it mga soldado it ministro. Ogaling madasig imaw nga naduea.
Naka abot ro balita sa hari. Duro guid ro anang kaakig ag guin pausoy nana ratong itom nga kabalyero. Masunod nga adlaw, guin obra eon man it kabalyero hay guin pabuksan ro bodega it pagkaon. Guin panghakot ko mga tawo ag owa guid it mahimo ro mga soldado tongod una naga bantay ro kabalyerong itom.
Indi eon matakuran ko hari ro guin obra ko kabalyerong itom. Guin patawag nana ro anang madyekero o manog hula. Suno sa manghuhula, raya ro katapusan nga heredero nga natawo sa isaeang ka babayeng naga trabaho sa palasyo. Onga imaw it isaeang ka prinsipe ko kaharian. Sa kahadluk sa amang hari, guin paea-as ratong babaye ag idto imaw nag estar kaibahan it ermitanyo sa sueod it uengib.
Pagkamatay it ermitanyo, guin taw-an imaw it kinaadman nga ap-at agod gamiton sa pag-eopig sa sin-o man nga naga olipon sa mga tawo. Guin gamit nana rayang kinaadman agod masalbar ro mga tawo ag mapundo man ro pagpamintas ko ministro sa mga tawo. Paagi sa anang kinaadman nga kaeayo, guin bugahan nana ro palasyo ag nasunog kadungan ko pagkatupok ko mga haligi. Tanan sa sueod it palasyo hay nagkaeamatay.
Pagkalipas it pitong adlaw, guin kaayad ko mga tawo ro palasyo. Guin pakaon sa tawo ratong pagkaon sa bodega. Ka’t himos eon ro tanan ag nagtindog eon ro andang palasyo, guin presentar ro itom nga kabalyero, ro minatuod nga Heredero ko kaharian it Meng bilang bag-ong hari. /MP
Nag-abot eon ro tag gutom. Abo ro mga pobreng owa it guina kaon. Sige ro andang pagsinggit ag pagprotesta ogaling nangin bulag ag bongoe ro ministro. Una sa palasyo hay owa it gutom bangud una kanda tanan ro kita it palasyo. Nagpadayon ro kalisod sa mga tawo. Sige ro andang pinangamuyo nga konta hay may makasalvar kanda ag maduea eon ro ministro una sa palasyo.
Isaeang adlaw, may ermitanyo nga halin sa maeayo nga lugar ro nag-abot sa rayang palasyo. May daea imaw nga mayad nga balita. Suno kana, may una eon nga natawo nga eapsag nga mangin hari. Rayang eapsag hay guina ban-tayan it ap-at ka puersa agod indi mapatay maskin sin-o ag sa tama nga owa it nakasayod.
Indi eang sanda maduea-an it pag-eaum. Ro ap-at ka puersa imaw ro hangin, kaeayo, tubi ag katamnan. Ro hangin ro nagata-o it kabuhi, ro kaeayo ro naga tao it kainit, ro tubi ro bueong sa uhaw ag ro katamnan ro anang pagkaon. Owa imaw naga kaon it karne kundi tanum ag prutas eamang. Tongod kara, halipatan eon ko tanan ro andang problema.
Madasig ro pag-taliwan it oras, ka’t abo nga mga tawong guin pang dakup it hari bangud owa naga bayad it buhis. Kon indi sanda maka bayad hay paga utdan it oeo. Abo nga owa nakabayad bangud sa kapobrehon.
Kat una eon sanda sa plaza para utdan it oeo, nag hangin it mabaskog, umuean ag nagpangilat. Pag pundo it hangin ag kilat, may nagpakita nga isaeang ka naka kabayo. Naga mascara pa imaw it itum. Guin pangsalbar ro mga guin utdan it oeo. Guin eagas imaw it mga soldado it ministro. Ogaling madasig imaw nga naduea.
Naka abot ro balita sa hari. Duro guid ro anang kaakig ag guin pausoy nana ratong itom nga kabalyero. Masunod nga adlaw, guin obra eon man it kabalyero hay guin pabuksan ro bodega it pagkaon. Guin panghakot ko mga tawo ag owa guid it mahimo ro mga soldado tongod una naga bantay ro kabalyerong itom.
Indi eon matakuran ko hari ro guin obra ko kabalyerong itom. Guin patawag nana ro anang madyekero o manog hula. Suno sa manghuhula, raya ro katapusan nga heredero nga natawo sa isaeang ka babayeng naga trabaho sa palasyo. Onga imaw it isaeang ka prinsipe ko kaharian. Sa kahadluk sa amang hari, guin paea-as ratong babaye ag idto imaw nag estar kaibahan it ermitanyo sa sueod it uengib.
Pagkamatay it ermitanyo, guin taw-an imaw it kinaadman nga ap-at agod gamiton sa pag-eopig sa sin-o man nga naga olipon sa mga tawo. Guin gamit nana rayang kinaadman agod masalbar ro mga tawo ag mapundo man ro pagpamintas ko ministro sa mga tawo. Paagi sa anang kinaadman nga kaeayo, guin bugahan nana ro palasyo ag nasunog kadungan ko pagkatupok ko mga haligi. Tanan sa sueod it palasyo hay nagkaeamatay.
Pagkalipas it pitong adlaw, guin kaayad ko mga tawo ro palasyo. Guin pakaon sa tawo ratong pagkaon sa bodega. Ka’t himos eon ro tanan ag nagtindog eon ro andang palasyo, guin presentar ro itom nga kabalyero, ro minatuod nga Heredero ko kaharian it Meng bilang bag-ong hari. /MP
No comments:
Post a Comment