Sunday, May 31, 2009

Akelco Annual General Membership Assembly Pagahiwaton

Gina pahisayod sa tanan nga miyembro-konsumidor it Aklan Electric Cooperative, Inc. (AKELCO) nga paga-hiwaton ro ika-26th Annual General Membership Assembly (AGMA) it atong kooperatiba sa Hunyo 6, 2009, Sabado nga adlaw.

Maga umpisa ro programa sa ala-una y media (1:30 pm) it hapon sa Engr. Job Y. Besana Hall, Akelco Compound, Lezo, Aklan.

Ro AGMA maka-rong dag-on hay may tema nga “Keeping the Lights On”.
Gina pangabay gid ro tanan nga miyembro-konsumidor sa bilog nga probinsya it Akean ag ro mga taga Pandan ag Libertad, Antique nga magtambong sa raya nga asembliya agud makasayod kita it mga bagay bagay nahanungod sa atong AKELCO.

Ro registration hay maga-umpisa sa alas dose y media it udto ro adlaw (12:30 nn). Dugang pa, magdaea ku inyong pinakabag-o o latest nga resibo it AKELCO nga naka pangaean kinyo ag Identification card o ID para maka-entra sa raffle bonanza. Saeamat guid nga abo. /MP

No comments: