Queen Weraly Señeris, “Miss Bugna It Tangalan 2012” with princess Jenny Gloriane, Maan Francisco, Nicole Andrea Rubias, and Geam Mangilog. (Ms. Myla Clavel photo)
Ro banwa it Tangalan, Aklan hay nag saueog it kapiestahan nga ginhiwat ko Mayo 15 – 16, 2012. Guin pakita it mga taga Tangalan ro andang mga gina pabugae nga produkto, ro andang systema it pagpangabuhi, ag ro pagpakilaea sa kinaiya it mga pamoeoyo sa banwa it Tangalan.
Raya hay sang dominggo nga selebrasyon nga guin umpisahan pa ko Mayo 10, do unang adlaw it pagbukas ko “food festival” o kaon-kaon sa plasa. Sinundan it “Talent Mo, Show Mo” ko Mayo 12 nga kun siin bukon eamang it mga Akeanon ro nag partisipar sa rondayang paindis-indis kundi, pati man ro mga kaeapit nga probinsiya kapareho it Capiz.
Si Miss Weraly Señeris do hapili-an nga “Miss Bugna It Tangalan 2012”. Gin koronahan imaw kaibahan sanday Jenny Gloriane, 1st runner up; Maan Francisco, 2nd runner up; Nicole Andrea Rubias, 3rd runner up; and Geam Mangilog, 4th runner up. Gin pasa ni Miss Anna Marie P. Gonzales, Bugna It Tangalan 2011 ro anang korona ko gabi-e sa koronasyon, Mayo 15, 2012.
Una man sa rondayang selebrasyon do Tangalan Mayor Gene Fuentes. Nag pasaeamat gid imaw sa tanan nga nag impon sa rondayang okasyon.
Paagi kay Vice Mayor Jed A. Tirol, ginpakilaea nana ro dinapit nga bisita. Uwa it iba kundi ro representante it Probinsyang Akean, Cong. Florencio T. Miraflores. Nagtao si Cong. Miraflores it mensahe sa mga taga Tangalan ag nagpanguna man imaw sa pag korona sa Miss Bugna It Tangalan 2012.
Si Julfe T. Rabe, Ben Balasador it Love Radio Kalibo, Mark T. Daroy ag Joeby T. Barrientos ro nagtindog nga mga anchor/host it programa.
Natapos ro mabinungahon nga koronasyon sa matawhay ag masinadyahon nga pag saueog ko mga taga Tangalan sa andang piesta. /MP
No comments:
Post a Comment