Kapihak Nga Tagipusuon
Ro magnobyohanan nga si Alice ag Aldin hay andang guina selebrar ro adlaw it tagipusu-on paagi sa pagkorte it tagipusuon nga papel ag andang pihakon ag butangan it petsa. Pag abot it sang dag-on, naga kita eon man sanda agod mag obra it panibag-o nga tagipusuon.
Tumaliwan ro tatlong dag-on, nag eaong si Alden nga mag adto sa Saudi tongod may trabaho nga naga hueat kana. Nag obra sanda it tagipusuon ogaling bukon it poea kundi asul ro kolor. Daea sa Saudi ni Alden ro kapihak ag haaywan kay Alice ro kapihak. Tumaliwan ro pilang buean, nagkagulo sa guina obrahan ni Alden. Nagsara ro andang kompanya busa owa eon imaw it pangitan-an. Agod may makaon, naga pamoeot imaw sa basurahan ag naga katoeog maskin siin. Guin dakop imaw it mga pulis ag guin preso bangod palaboy-laboy imaw sa kalye.
Sa presuhan, may nakilaea imaw nga preso man nga manog guwa eon ag mauli dayon iya sa Pilipinas. Idto imaw naga estar sa lugar nanday Alice. Guin hinyo ni Alden nga ipadaea ro kapihak nga tagipusuon para kay Alice ag guin bilinan nga indi eon imaw paghueaton tongod owa it kasiguruhan nga maka uli pa imaw.
Makalipas ro pilang buean, napamatud-an nga owa it saea sanday Alden ag guin buhi-an sanda. Nakakita imaw it obra maskin kumporme basta eamang mabuhi. Nagtipon imaw it kwarta ag nagplano eon nga mauli iya sa Pilipinas. Pag abot nana, una nga guin adtunan si Alice. Hakibot si Alden nga ro nagbukas it poetahan hay anang amigo sa presohan nga si Ramon. Nag asawa si Alice kay Ramon tongod guin sugid nana nga patay eon si Alden. Golpi nga pumanaw si Alden nga owa hikita si Alice. Nagbalik imaw sa Saudi ag idto naka asawa it manggaranon nga negosyante. /MP
No comments:
Post a Comment