Igmanghod Nga Sirena
Oras eon sa pag unga ni Mirasol. Hakibot do paltera tongod kapid rong natawong eapsag. Sambilog hay normal apang ro sambilog hay isda rong kautod, isaeang ka sirena. Guinbutang sa dueang rong eapsag nga si Almira. Hasta hin-uno baea imaw magatener sa dueang? Agod nga mabuhi, guindaea imaw sa dagat maskin masakit sa baeatyagon ni Mirasol. Adlaw-adlaw, guinabisitahan nanday Carmela ag Mirasol si Almira sa isaeang ka mabahoe nga bato.
Malisod guid ro pangabuhi nanday Mirasol. Mahugod imaw ogaling paeahilong ro anang asawa. Kada pagkita nanda kay Mirasol hay guinataw-an sanda it isda ag raya ro guinabaligya nanda agod ibakae it pagkaon.
Isaeang adlaw, hakibot si Mirasol kat guinsueang imaw agod mag-adto sa guba nga tulay. Nahueog ro anang asawa sa kahilungon ag namatay. Pagkatapos it eobong guindaea si Carmela sa syudad agod idto kuno patun-on ko anang tiya. Samtang naaywan si Mirasol nga solohanon, guinsuguid nana rong tanan kay Almira.
Idto sa syudad, owa man guinpatun-a si Carmela kundi guin obra nga kabulig. Bo-ot imaw ipaasawa sa manggaranon apang may edad nga sa ea-eaki. Owa naila si Carmela ogaling owa imaw it mahimo sa anang tiya. Guinsampit imaw ko magueang nga mamasyar sa may boulevard. Sa mga maeagko nga bato, may naaninag imaw nga babaye nga nagapaligos nga kahitsura nana. Nakabatyag imaw it kahidlaw kay Almira. Kat gusto imaw abusuhan ko eaeaki, eomompat imaw sa tubi ag nag eangoy paadto sa babaye nga anang hakit-an nga owa it iba kundi si Almira. Abu gid ro anang kalipay. Guintaw-an imaw it mga perlas, agod ibaligya ag gamiton nanda nga mag-ina sa negosyo.
Nakauli si Carmela. Nagpa tindog sanda it baeay ag negosyo. Samtang nasunog rong baeay ko anang tiya ag namatay man rong magueang eon nga eaeaki. Nagmasakit ro andang lola ag tongod may bueawanon nga baeatyagon ro mag-ina, guinbuligan nanda agod makapanibag-ong kabuhi. /MP
No comments:
Post a Comment