Sugilanon Ni Tita Linda

Ni Tita Linda Belayro

Kaakig Ni Reyna Likas

Kato anay, mabuhay eon nga toyempong nagtaliwn, malinong ro palibot sa kaharian ni Reyna Likas. Mahugod nga naga bantay ro anang mga sakop sa tanan nga mga kasapatan, mga katamnan ag mga busay agod padayon nga maga-ilig ro tubi.

Kon gabii, mahayag ro palibot ag libre nga naga hinampang ro mga onga. Naga pamasyar man ro mga miron ag daeaga sa kabukiran. Tongod sa kalipay it Reyna, naga tao it premyo si Reyna Likas sa mga pumoeoyo sa datag paagi sa pagtao it bueawan o mga prutas eabi guid kon maeapit eon lang ro Paskwa. Ogaling bukon pa it kontento ro mga tawo. Bu-ot pa guid nanda ro owa it tupong nga manggad busa, guin pamukan ro mga maeagko nga kahoy nga imaw ro naga suyop it tubi kon umuean ag naga pahupa man it tubi kon magbaha. Guin dakop ro mga kahayupan agod ibaligya ag guin obrahan it punong ro mga busay agod obrahon nga patubi ko mga paktorya.

Nag umpisa it pagkabaeaka si Reyna Likas tongod amat-amat nga naga sangkiri ro naga ilig nga tubi sa busay. Naga pangayaw pa ro ibang hayop ag anang mga sakop sa ibang parte nga bugana ro tui. Nagtao it kalisod sa pangabuhi ro guin obra it mga tawo sa datag. Isaeang ka maatag nga reyna si Reyna Likas ogaling indi nana mapaeampas ro guina inobra it mga tawo.

Golpeng nag uean. Naglinong. Ro mga bukid sa palibot hay nagkaea-timpa. Tongod sa sobrang uean, nag eapaw ro tubi sa mga pampang it sapa ag nag ilig idto sa idaeum. Nag daeom it mayad ro tubi nga may daeang eapok. Sige ro pagtimpa sa sari-saring parte it ruyong lugar. Owa maka pahaum it mayad ro iba ay sa sugaean naagahan. Ro iba hay sa mga inuman, ag ro iba hay hamuok sa andang katoeogon sa andang mga baeay.

Pagkaaga, isaeang ka tinabunan it eogta ag nagkalhit ro nga wasak nga pamaeay ro hakita sa palibot. Hamuok gihapon sa katoeogon ro nasambit nga barangay tongod owa guid it nakalibre. Guin adtonan it mga manog pahayag sa peryokido ro lugar ogaling pulos guid lang retrato ro andang guin bo-oe tongod owa man sanda it mapangutan-an. Napaea sa mapa ro barangay. Solo si Reyna Likas guid lang ro naka sayod.

Isaeang ka leksyon rondaya sa mga tawo. Hueaton pa baea naton nga mawra man ro matabo katon sa atong lugar? Bugtaw eon! /MP