Composed by Ms. Hildegarda "Ging-ging" Ruiz Tongcua Banga Elementary School District of Banga, Division of Aklan
Manami gid pamati-an Ro ngaean nga AKEAN Probinsiya eang nga maistan Pero bantog sa kalibutan
AKEAN, AKEAN mayad-ayad nga lugar Sarang naton ikapabugae
AKEAN, AKEAN probinsyang bueawan Malinong ag matawhay, manami estaran.
Una sa tanan, ro BORACAY Sa maswerteng banwa it MALAY Baybay nga maeamig ag limpyo Mga sigay ag baeas nga mapino.
Ayaw man pagkalipati
Sa TANGALAN ro pitong busay sa Jawili Ro Hurom-hurom ag Basang sa Nabas Nga makapapresko gid it eawas.
May Sampaguita Gardens sa NEW WASHINGTON Mangrove Eco Park sa IBAJAY ag BAKHAWAN May stations of the Cross sa Banga Kon magpamaeandong ka kon Semana Santa
May "Wild River" sa banwa’t LIBACAO Taga ibang lugar, naila magtan-aw Kon gusto mo mageurop-eorop sa tubi Sa BURUANGA ro Batason Point, pamasyari.
Kon ro hambaean hay kagwapahan Indi maulihi ro kadaeagahan Birang sa BALETE ag eambong nga pinya Makita ro tunay Akeanong gwapa.
Kon magpamayhunan manami tan-awon
Kon suksok ro tsinelas it MALINAO-non
Sa IBAJAY ag LEZO man abu nga kueon Isda hay manamit kon saingon.
Ay! Abaw sa Lezo maagto gid ro ampaw Ro naduyog siguradong hibugtaw Matam-is nga lanzones ag rambutan Sa BANGA ag MADALAG eang masamitan
Limbok, paeay, mais, kamote Mani, balinghoy ag gabi Sari-saring prutas ag tinoea Pagkaon sa ALTAVAS nga bugana
Longganisa, embutido ag tocino Iya eang masamitan sa KALIBO Kasarangan sa aeat ro baeoe ag ibis Sa kanamit, kan-on mo gid…pati himbis.
Ed’s Note: This composition is sung with St. Joseph Parish Choir of Banga, Aklan as accompanists. A CD is available upon request.
No comments:
Post a Comment