Ni Tita Linda Belayro
Kadena It Kaimoeon Ag Pag-olipon
Ro mga negro o ro mga tawong maitum ro andang panit sa America hay guina kangil-aran it mga puti, ro tawong maputi ro andang panit. Ro andang pagtrato hay mas mahigko pa sa trapo. Guina ngil-ad sanda ag andang guina olipon. Busa kon matawo sanda nga olipon, hay mamatay man sandang olipon. Abo nga mga nagmanggaranon nga puti tongod sa mga negro. Guina obra sandang sueogo-on, naga trabaho sa maeapad nga ueomhan. Sanda ro guina pa himo it tanan nga mabug-at ag mahigko nga oeobrahon.
Isaea eon si Booker T. Washington nga may handum nga maka hueagpos o maka taewas sa kadena it pagka olipon. Sa bata pa nga edad, naga takaw-takaw imaw it pagbasa ag pagsueat maskin sa oras it trabaho. Agod makabakae imaw it diksyunaryo, nangin limpya bota imaw hasta nakatipon it kwarta ag naka bakae. Agod mapaeapit imaw sa eskwelahan it mga puti, nagsueod imaw nga janitor maskin maisot ro anang suhoe kada buean.
Samtang naga limpyo imaw it mga sueod, guina basa nana ro sueat sa pisara ag dayon usuyon sa diksyunaryo agod ma eobtan. Nakasueod imaw sa eskwelahan it mga itum. Idto guin pakita nana ro anang kaaeaman nga eabaw sa iba ag sa tanan. Busa, guin himo imaw nga manogturo sa mga estudyante sa oras nga owa ro maestro. Nakit-an imaw it abilidad ngani guin patun-an imaw ko pangueo ko rondoyong eskwelahan. Bu-ot nana nga mag abogado agod edepensa ro anang kaibahang negro.
Nag tu-on imaw sa gabii ag nag trabaho sa adlaw. Guin kilaea ro anang ka-aeam. Sa owa magbuhay, nangin unang negro nga naka iba sa eskwelahan it mga puti. Owa eon imaw nahuya sa anang pag- katawo. Ro pangaean nga Booker T. Washington hay simbolo it mga negro nga naka bungkag ko kadena it pagka olipon. /MP
No comments:
Post a Comment