Boracay – Isla Ni Burog Ag Acay
Ni Tita Linda Belayro
Mabuhay eon nga naga estar sa Isla si Burog ag si Acay. May mga unga eon sanda ag nakapatindog eon sanda it baeay sa may binit it kagueangan.
Isaeang adlaw, may mga mangingisda nga nahanaeang sa Isla. Guin baton sanda kong pamilya ni Acay ag ni Burog. Napan-uhan ko mga mangingisda rong puti nga baeas, matin-aw nga tubi ag bugana nga isda sa isla. Nangutana sanda sa mga unga nanday Burog ag Acay kon ano rong pangaean kong Isla, apang owa man sanda it ika sabat.
Ogaling rondaya ro andang napan-uhan ag nababati-an kada agahon kon mag su-eod ro mag-asawa sa kagueangan agud mag-usoy it bunga it kahoy nga prutas ag itlog sa mga pugad, naga tawag si Acay kay “Burog”. Masabat man dayon si Burog kay “Acay”. Rondaya ro guina obra kon mag-uli bangod masyadong maeapad rong kagueangan.
Sa pagpamati ko mga mangingisda kong pangaean nga Burog ag Acay, rekara nanda guin tandaan nga rong Isla hay Isla nanday Burog ag Acay. Pag-uli nanda sa andang lugar, guin suguid nanda ro andang hakita nga Isla nanday Burog ag Acay. Sa sige nga pag ginamit ag pagtinawag, nangin sambilog eon lang rong pangaean, ag nagging Boracay eon lang ko ulihi. /MP
No comments:
Post a Comment