Tita Linda Belayro
Paghigugma It Lion
Isaeang ka Lion rong may abo nga kaila sa isaeang ka dalagita. Busa, ko isaeang adlaw nagpaabot imaw ko anang katuyuan sa ginikanan it daeaga. Owa pa kato it mga cellphone. Indi kaantiguhan ro mga ginikanan kon ano ro andang obrahon agud indi masakitan ro baeatyagun ko Lion. Owa man sanda naila nga paasawahon ro andang onga nga daeaga sa isaeang ka sapat.
Ko ulihi, naghambae rong ama sa Lion, "Mabahoe nga kadungganan rong mangin kaparte ka sa among pamilya, ogaling kasayod ka man nga ro among onga hay bata pa ag mahumok ro anang kaeawasan. Nahadluk kami nga sa sobra mong kaila kana hay basi pa masaktan mo imaw. Mahimo baea nga pution mo anay ro imong mga kamaeos? gabuton ro imong mga bangkil? Amon nga tun-an it oman ro imong katuyu-an," hambae ko ama sa Lion.
Tongod sa sobrang paghigugma kong Lion, nagpaputoe imaw it mga kamaeos ag nagpagabot ko anang mga bangkil. Ogaling, pagbalik nana sa baeay it daeaga, naghinibayag sanda sa itsura kong Lion. Ro leksyon nga mapueot naton kara hay, "Rong paghigugma hay makapaeogpay it bu-ot maskin sa pinaka mabagsik o pinaka mapintas nga hayop."/MP
No comments:
Post a Comment