Ikamayad It Boracay Ro Marina Project

Site of the 2.6 hectares Marina reclamation area in Caticlan, Malay.

Gin pahayag ni Atty. Ronquillo C. Tolentino nga ikamayad it Boracay ro "Marina Project" o ro gina tawag nga "Proposed Renovation/Rehabilitation of the Caticlan Passenger Terminal Building and Jetty Port, Enhancement and Recovery of Old Caticlan Coastline, Reclamation of a Portion of Foreshore (Marina Project) in Malay, Aklan Ro "Marina Project" hay gina patikasog it gobiyerno provincial it Aklan sa pamuno ni Gobernador Carlito S. Marquez.

Ginsunod man ag gintapos eon ro kinahangeanon it 2.64 hectares nga proyekto rason nga gintaw-an it "clearance" sa Philippine Reclamation Authority nga magpadyon it "reclamation project" ro Caticlan Jetty Port. Hataw-an man ko DENR Environmental Management Bureau ro proyekto it "Environmental Compliance Certificate" ko Abril 27, 2010 pagkatapos nga masumitir ro Environmental Impact Assessment. Naka consultasyon man ro "Provincial Management Committee" nga gina pamunu-an ni Gobernador Carlito S. Marquez sa gobiyerno municipal it Malay, Sangguniang Bayan it Malay, Barangay Caticlan, Boracay Foundation, Inc. (BFI) ag ro "tri-media". Raya ro duggang nga hinambae ni Atty. Tolentino.

Si Atty. Allen S. Quimpo ag Atty. Ronquillo C. Tolentino nakipagkita man it daywang beses sa tri-media sa Cafe Latte ag sa ginhiwat nga Kapihan sa Aklan. Ko Disyembre 11, 2010 nakipag conferencia si Atty. Allen S. Quimpo sa mga "municipal officials" it Malay idto sa Boracay hanungod sa Marina Project.

Ginhambae ni Atty. Tolentino nga owa eon it "legal question" ro Marina Project" ay hasunod ro tanan nga "legal requirements". Ro "Marina Project" hay sa ikamayad man it Boracay ag ro "scientific findings" hay nagapahayag ag nagasaysay nga owa man ro proyekto it igata-o nga halit o problema sa Boracay. Eabaw sa tanan, ro proyekto hay sa ikamayad it Boracay, maga dugang ro "employment" ag makapanan-aw man it publiko ag privado nga "partnership" sa gobiyerno probinsyal sandig man sa "development agenda" it national government, hambae pa ni Tolentino.

Sandig sa Republic Act 7160 o ro Local Government Code it 1991, ro mga probinsya ag mga ciudad ro maka sueod sa "reclamation".

Ro "reclamation" hay nabuhat it mga naciones. Suno kay Atty. Tolentino, United Kingdom nga gina componehan it England, Northern Ireland, Wales and Scotland hay sigedas ro "reclamation". Sa ka-aeamon nahanungod sa natabu o "history", ro "reclamation" sa United Kingdom hay nag umpisa pa ko 6th B.C." Sige man ro "reclamation" sa France, ro pagpa-obra it mga dueongka-an it barko. Ina man ro "reclamation: sa Netherlands o Holland, ag sa sige-sige nga "reclamation: sa Singapore.

Gindugang ni Atty. Tolentino ro mga "reclamation: sa pagpa-ora it Hongkong Disneyland ag Hongkong International Airport, ro Japan International Airport, ro Palu Deira sa Dubai nga imaw ro pinaka mabahoe nga isla sa kalibutan nga halin sa "reclamation". Imaw man ro Kansai International Airport sa Osaka Japan ag ro famoso nga Changi International Airport, Singapore. Ina man ron sa "Sunken Garden sa Vancouver Canada. /MP