Blusang Puea
Si Dukesa Mira hay maila-un sa kolor nga puea. Ro anang kwarto ag mga kagamitan hay puro puea. Masinadyahon guid si Dukesa Mira kon makakita imaw it maski anong pueang bagay. Sa anang ka gwapa hay kapin nga nagaeotaw kon magsuksok imaw it pueang blusa. Ogaling may nahikaw kana, rong onga it bruha nga si Sabrina. Maskin maeaw-ay imaw, bu-ot gid nana nga madiparahan imaw it mga kaeaeakihan.
Ko isaeang agahon, guinbantayan nana si Mira sa pagpaligos. Samtang si Mira hay naga paligos, may pispis nga nagdagit ko singsing ag kulintas ni Mira nga kon siin dikato rong sekreto ko anang ka gwapa. Guinbutangan it itom nga mahika ag guinbalik ko pispis sa anang guin boe-an.
Pagkatapos it pagpaligos ni Dukesa Mira, anang guinsuksuk rong sing-sing ag kulintas. Nag- gueang rong dagway ni Dukesa Mira. Guinkahadlukan imaw it tanan. Sa anang pagtan-aw sa espiho, nakita nana ro anang dagway nga maeaw-ay.
Samtang, sa owa magbuhay, may nag-abot nga daeaga nga ka gwapa gwapa sa banwa ngaron. Abong mga kaeaeakihan ro nabighani. Rayang daeaga maila-on man it puea nga kolor. Ogaling mapintas imaw. Owa naila imaw nga may iba pang mag eambong it puea, kundi imaw eang.
May sangka babaying nagsamit nga mag-eambong it puea. Pagkasuksuk na, golping nasunog imaw ko anang eambong nga puea. Halin kato, guinbawae ag guinlikawan rong pag eambong it puea sa andang lugar.
Nag-paino ino si Dukesa Mira kon siin nag-bo-oe it kina-adman rayang si Sabrina. Hadumduman na ro asupre. Anang guin eogum sa asupre ro anang singsing ag kulintas. Nagbaga rong singsing ag kulintas. Indi himayang si Sabrina. Ro anang singsing ag kulintas nga guinsuksok hay naga baga-baga! Pati ro anang eambong nga puea hay naga kaeayo man. Tongod kato, nagbalik ro anang dagway nga bruha. Guinkahadlukan imaw kong tanan sa andang lugar.
Samtang sa baeay ni Dukesa Mira, nag balik ro anang pagka bata ag pagka gwapa. Owa eon nagpakita halin kato rong Bruha.
Sa pagguwa ni Dukesa Mira, nag-eaum ro mga tawo nga imaw, kampon ni Sabrina. Ngani, naghiwat imaw it isaeang ka pagtipon-tipon. Guinkangay nana rong mga igbata, mga amigo ag mga amiga. Nagpasaeamat imaw ag nagpangayo it pasensya sa halit nga dueot kong blusang puea.
Umpisa man kato, guintugutan rong tanan maskin sin-o nga sarang eon makasuksok it kolor nga puea. Ro iba nga owa naila sa kolor hay nag obra it ibang "shade" kapares it old rose, pink rose, salmon pink ag kon ano pang halin sa kolor nga puea. /MP mailto:madyaas_pen@yahoo.com
No comments:
Post a Comment