Sa pusod it dagat hay may sekretong aeagyan nga nagatumoy paadto sa pihak nga kalibutan it Mahika. Guindaea ko magkahagugmang Azir ag Oprah ro andang eapsag nga onga nga si Alvina idto sa kalibutan it mga mortal agud e-eayo. Guinsarhan rayang aeagyan agud indi matukiban it iba.
Napueot rong eapsag kong mag asawang Cedes ag Ardos. Sanda ra hay mga mangingisda. Ro eapsag hay may guina kumkom nga batong itom. Owa man masayuri ko mag asawa rayang bato, busa guinputos ag gin tahi sa anang eambong agud indi maduea.
Nagabahoe si Alvina nga gwapa ag madasig kon magdaeagan pareho it hangin. Madali nana matapos rong mga trabaho nga owa it kaga-oy. Bihira nga magkaon it karne si Alvina. Hilig gid nana rong prutas, tinoea, isda ag gatas it baka ag kanding.
Isaeang gabii, may mga manakaw nga nagsueod sa andang compound. Andang tinakaw ro alilang baka ag kanding. Nabugtawan ni Alvina. Maeayo eon rong mga tawong nagaguyod ko mga hayop. Guin eagas nana hasta naabtan. Guin pangsipa rong mga manakaw ag guin panggapos. Guin sugid nana sa kapitan it barangay. Guin preso rong mga kawatan.
Masunod nga gabii,, maeamig rong hangin. Nagdamgo imaw, si Alvina ko anang ina. Sa anang damgo, guin sampit imaw nga magmunot idto sa dagat. Sumunod si Alvina. Pag abot sa dagat, nag eonip sandang daywa hasta sa aeagyan. Guintandaan nana it puting bato. Dayon imaw nga habugtaw. Indi maduea sa anang paino ino ratong damgo.
Ko agahon ngaron, guin samitan nana nga eonipon rong dagat. Idto nakita nana rong aeagyan ag idto imaw umadto sa pihak nga kalibutan. Ro andang beste hay parang sina-una. Sari-saring kolor. Matsa karnabal sa anang panan awan.
Hakita imaw it isaeang ka guardiya, tongod pinasahi rong anang beste. Guardiya imaw sa plaza. Guinpangutana si Alvina. Owa imaw it ibang sabat. Sa pag usisa kay Alvina, may nakita sanda nga itom nga nakatahi sa anang eambong. Guintas-tas ag guinbukad. Tumambad rong itom nga bato. Golpeng naghayag. Nakaputos rong bilog nga plaza sa kahayag. Rong bato hay pinakamataas nga mahika nga indi matupungan. Buot nga dakpon imaw ogaling naputos imaw it kahayag. Umabot rong hari it royong kaharian. Paagi sa bato, nakilaea nana nga si Alvina hay onga ko anang onga nga prinsesa.
Nag-eapas ro daywa sa kasuguan nga bawae ro mag-asawa nga bukon it kapareho. Bilang silot, guin papatay sanda, pero bago napatay, guin tago ro andang onga idto sa pihak nga aeagyan sa lugar it mga mortal. Sa kahidlaw ko anang onga nga prinsesa, guinbaton it hari si Alvina sa anang kaharian. Hanungod sa anang mga ginikanang mortal, nagakita sanda sa anang damgo ag guinabuligan paagi sa anang Mahika. /MP mailto:madyaas_pen@yahoo.com
No comments:
Post a Comment