Tita Linda Belayro
ROOTS
Mailaun magkolekta it bonsai ag driftwood si Elsa. Ro anang hardin ag sueod it baeay hay puno it mga “driftwood”. Sa kabuhayon nanda nga pag-asawa ni Karlo nagdaea si Elsa ag nag-onga pero indi mabaton ni Karlo, tongod puro bukoe ag gamut ro anang eawas. Guinpangaeanan nanda kay Roots. Westernized abi ro mag-asawa, busa Roots ro ngaean ko unga.
Nagbahoe si Roots nga maeaw-ay. Pati ro andang mga sueogo-on hay nagakahadluk kon magdaea it pagkaon para sa unga. Pati ro mga alila nga hayop, mga kuring ag mga manok hay naga paeayo kay Roots. Nabatian ko mga nagapaguwa it karnabal rayang natabo. Sarang nanda nga makwartahan si Roots. Ko gabii ngaron, golpeng may nagsueod nga mga tawo sa andang baeay agod takawon si Roots. Nakibot ro mga ayam. Naglinahay hasta nahabugtaw rong tanan. Nadakpan rong mga tawong nagsueod sa baeay ag guinpanggapos sanda agod daehon sa peresohan.
Para malikaw sa pagsura it mga tawo, nagpanaw ro mag-ina sa Japan. Idto sanda nagdayon sa naga-alila man it bonsai ag nagakolekta it driftwood.
Abong mga driftwood ro andang nakita nga paris man kay Roots. Nagpungko si Roots sa binit. May isaeang ka Mahistrado it Japan nga nagsueod sa anang guina estaran. Pagkakita it Hapon, nailaan nana rong porma sa binit nga naga pungko. Gustong bakeon maskin pila. Pagkasayod nga tawong buhi gali, nagka enteres nga kangayon si Roots ag anang ina idto sa andang mansyon. Gin baton ni Elsa ag ni Roots ro invitasyon.
Pag-abot sa mansion, abo nga koleksyon rong mag-asawang Hapon. Mabuhay eon nga owa sanda it onga. Sa owa mag buhay, naila si Roots sa mag-asawa haeos indi eon mag-uli sa Pilipinas si Roots. Baton man imaw it mga sueo-goon it Hapon. Kon ona si Roots, naga bloom rong mga bonsai. Kutob sa anang mabuytan, naga saut rong mga sanga ag dahon. Naga hibayag rong mga kabueakan sa palibot. Nangin mahayga si Roots sa hardin it Mahistrado. Ko olihi, nag-onga rong mahistrado ag anang asawa.
Isaeang adlaw, nagbisita rong Emperador ag anang asawa sa andang amigong Mahistrado. Sa andang nakitang kahugod ni Roots, buot nanda nga kangayon man si Roots sa andang baeay.
Owa mabuhayi, nagimbita man ro Emperador sa mag ina sa andang baeay. Malipay guid ro guinikanan ni Roots.
Ogaling gusto eon nga mag oli rong ina ni Roots. Parabil mag oli, nagpangutana rong hari kon ano ro anang gusto. Handum guid ko anang nanay nga maging normal nga tawo si Roots. Guin tipon rong mga seruhano, mga madyekero ag mga pantas. Guin operahan si Roots. Guintam-nan it panit ag guinputoe ro mga ugat. Pagkatapos it operasyon, nagbaylo ro anang dagway ag nangin gwapo. Nalipay guid ro anang ina. Ko olihi, ma-uli eon sanda sa Pilipinas. Ogaling, naga kasubo guid rong Mahistrado. Napamahae eon kanda si Roots. Nagdaea it swerte kanda nga abo si Roots. Naintindihan nanda rong baeatyagon ko anang ina, busa gin sugtan sanda umoli.
Guinpabaeonan sanda it mabahoe nga kantidad ko Emperador. Guinpaeskwela si Roots ko anang ina hasta nakatapos sa kolehiyo. Nagbisita imaw sa baeay it Mahistrado sa Japan. Nakibot imaw nga rong onga nga daeaga ko Mahistrado hay kapares anay ni Roots. Nagdaea kanda it mabahoe nga suerte rong dalagita.
Nag asawa sanda ni Roots ag sanda rong nag padayon ko mga negosyo kong Mahistrado Bangud sa kahugod ag kabuot kong dalagita sa anang isigkatawo, naga-amat-amat it panas rong mga bukoe sa anang eawas. Hasta nga omabot rong tyempo nga nangin normal ro anang itsura. /MP mailto:madyaas_pen@yahoo.com
ROOTS
Mailaun magkolekta it bonsai ag driftwood si Elsa. Ro anang hardin ag sueod it baeay hay puno it mga “driftwood”. Sa kabuhayon nanda nga pag-asawa ni Karlo nagdaea si Elsa ag nag-onga pero indi mabaton ni Karlo, tongod puro bukoe ag gamut ro anang eawas. Guinpangaeanan nanda kay Roots. Westernized abi ro mag-asawa, busa Roots ro ngaean ko unga.
Nagbahoe si Roots nga maeaw-ay. Pati ro andang mga sueogo-on hay nagakahadluk kon magdaea it pagkaon para sa unga. Pati ro mga alila nga hayop, mga kuring ag mga manok hay naga paeayo kay Roots. Nabatian ko mga nagapaguwa it karnabal rayang natabo. Sarang nanda nga makwartahan si Roots. Ko gabii ngaron, golpeng may nagsueod nga mga tawo sa andang baeay agod takawon si Roots. Nakibot ro mga ayam. Naglinahay hasta nahabugtaw rong tanan. Nadakpan rong mga tawong nagsueod sa baeay ag guinpanggapos sanda agod daehon sa peresohan.
Para malikaw sa pagsura it mga tawo, nagpanaw ro mag-ina sa Japan. Idto sanda nagdayon sa naga-alila man it bonsai ag nagakolekta it driftwood.
Abong mga driftwood ro andang nakita nga paris man kay Roots. Nagpungko si Roots sa binit. May isaeang ka Mahistrado it Japan nga nagsueod sa anang guina estaran. Pagkakita it Hapon, nailaan nana rong porma sa binit nga naga pungko. Gustong bakeon maskin pila. Pagkasayod nga tawong buhi gali, nagka enteres nga kangayon si Roots ag anang ina idto sa andang mansyon. Gin baton ni Elsa ag ni Roots ro invitasyon.
Pag-abot sa mansion, abo nga koleksyon rong mag-asawang Hapon. Mabuhay eon nga owa sanda it onga. Sa owa mag buhay, naila si Roots sa mag-asawa haeos indi eon mag-uli sa Pilipinas si Roots. Baton man imaw it mga sueo-goon it Hapon. Kon ona si Roots, naga bloom rong mga bonsai. Kutob sa anang mabuytan, naga saut rong mga sanga ag dahon. Naga hibayag rong mga kabueakan sa palibot. Nangin mahayga si Roots sa hardin it Mahistrado. Ko olihi, nag-onga rong mahistrado ag anang asawa.
Isaeang adlaw, nagbisita rong Emperador ag anang asawa sa andang amigong Mahistrado. Sa andang nakitang kahugod ni Roots, buot nanda nga kangayon man si Roots sa andang baeay.
Owa mabuhayi, nagimbita man ro Emperador sa mag ina sa andang baeay. Malipay guid ro guinikanan ni Roots.
Ogaling gusto eon nga mag oli rong ina ni Roots. Parabil mag oli, nagpangutana rong hari kon ano ro anang gusto. Handum guid ko anang nanay nga maging normal nga tawo si Roots. Guin tipon rong mga seruhano, mga madyekero ag mga pantas. Guin operahan si Roots. Guintam-nan it panit ag guinputoe ro mga ugat. Pagkatapos it operasyon, nagbaylo ro anang dagway ag nangin gwapo. Nalipay guid ro anang ina. Ko olihi, ma-uli eon sanda sa Pilipinas. Ogaling, naga kasubo guid rong Mahistrado. Napamahae eon kanda si Roots. Nagdaea it swerte kanda nga abo si Roots. Naintindihan nanda rong baeatyagon ko anang ina, busa gin sugtan sanda umoli.
Guinpabaeonan sanda it mabahoe nga kantidad ko Emperador. Guinpaeskwela si Roots ko anang ina hasta nakatapos sa kolehiyo. Nagbisita imaw sa baeay it Mahistrado sa Japan. Nakibot imaw nga rong onga nga daeaga ko Mahistrado hay kapares anay ni Roots. Nagdaea kanda it mabahoe nga suerte rong dalagita.
Nag asawa sanda ni Roots ag sanda rong nag padayon ko mga negosyo kong Mahistrado Bangud sa kahugod ag kabuot kong dalagita sa anang isigkatawo, naga-amat-amat it panas rong mga bukoe sa anang eawas. Hasta nga omabot rong tyempo nga nangin normal ro anang itsura. /MP mailto:madyaas_pen@yahoo.com
No comments:
Post a Comment