Ni Tita Linda Belayro
Kathy–Era–Rina
May tatlong ka magmaeanghod nga sanday Kathy, Era ag Rina. Si Kathy ag si Era hay paborito ko andang ina, samtang guina ubra nanda nga ulipon si Rina.
Isaeang adlaw, may isaeang ka magueang nga nagpakalimos. Gutom guid nga mayad rayang magueang. Nagpangayo imaw it pagkaon sa andang baeay ko tatlong ka magmanghud. Owa pagtaw-i ko daywang malditang Kathy ag Era. Pagkapan-o ko andang gin obra sa magueang, nanaog sa likod it baeay si Rina ag guin hukipan nana it pagkaon rong magueang. Pagkatapos it kaon, guin taw-an si Rina it isaeang ka kanding. Mangayo eamang ikaw Rina sa kanding kon ano ro imong gusto, hambae pa ko magueang ag dayong pumanaw.
Padayon rong pag ulipon kay Rina. Kon indi nana matapos rong guina sugo kana, owa imaw guinapakan-a. Pero owa guid nakabatyag it guina gutom si Rina. Lipod sa kaaeaman nanda, ro kanding ro nagatina-o it pagkaon kana. Ko ulihi, nasayran si Rina. Sa abong kahisa, guinpapatay ni Kathy ag Era ratong kanding. Nagtinangis si Rina. Nagpakita eon man kana ratong magueang. Guinpapangayo kana ko magueang rong mga kasudlan it kanding ag dayong ieobong sa likod it baeay. Ana nga guin sunod ro sugo it magueang.
Makataliwan rong limang adlaw, nakibot si Rina nga may nagtubo nga kahoy nga pilak ag bueawan nga may bunga sa likod ko andang baeay. Nadumduman nana rong kasudlan it kanding nga anang guin eobong.
Pagkakita ko andang Ina, guin sugo nana si Kathy nga magsaka sa kahoy ag mag eungi it sanga ag mag ipu it bunga.
Nagtuman si Kathy. Ogaling indi imaw maka eungi it sanga ag indi man nana madakpan ro mga prutas. Nanaog eon lang imaw. Binuslan man ni Era. Pero pareho man rong natabo.
Ko olihi, si Rina rong sumaka ag kadali guid lang nanang na ipu rong mga prutas ag na eungi rong sanga. Akig gid it duro ro anang Ina ag mga magueang. Maangan – angan may umabot nga kabalyero nga sakay sa kabayo. Nanaog imaw ag nangutana kon sin-o ro tag-ana ko royong kahoy. Gin-ako ko daywa. Busa, nangayo it prutas rong kabalyero. Nagsaka ro daywa agod mag ipu it prutas, pero kapares it dati – owa sanda nakabo-oe. May nag ligid nga prutas paadto sa kabalyero. Guin osoy kon siin naghalin. Nakita nana si Rina nga nagapanago. Anang guinpaguwa ag guin sugo nga mag ipu it prutas. Nagtuman rong daeaga. Maeomo guid lang ro anang pag-inipo.
Nangutana ro kabalyero kon ano ro anang gustong premyo. Nagsabat si Rina, "gusto ko nga maka halin riya sa among baeay." Ngani guindaea imaw sa kastilyo it kabalyero. Guinpabistihan si Rina ag nag-eotaw ro anang ka gwapa. Sa owa magbuhay guin kasae si Rina ag rong kabalyero.
Sa andang baeay, owa guid nahakat ro daywang si Kathy ag Era, total nabilin man kanda rong kahoy. Ogaling pagka-aga, Nakibot si Rina ay una eot a rong puno sa ubos ko bintana it kastilyo.
Sa owa magbuhay, isaeang adlaw, may daywang ka nagapakalimos nga nag adto sa kastilyo. Nakilaea nga sanday Kathy ag Era gali. Nag pobre eon sanda. Namatay man ro andang Ina. Tongod may mahumok nga tagipusu-on si Rina, anang guinbaton ro daywa. Naghinoe-soe ro daywa sa andang mga kasae-anan kay Rina. /MP mailto:madyaas_pen@yahoo.com
Isaeang adlaw, may isaeang ka magueang nga nagpakalimos. Gutom guid nga mayad rayang magueang. Nagpangayo imaw it pagkaon sa andang baeay ko tatlong ka magmanghud. Owa pagtaw-i ko daywang malditang Kathy ag Era. Pagkapan-o ko andang gin obra sa magueang, nanaog sa likod it baeay si Rina ag guin hukipan nana it pagkaon rong magueang. Pagkatapos it kaon, guin taw-an si Rina it isaeang ka kanding. Mangayo eamang ikaw Rina sa kanding kon ano ro imong gusto, hambae pa ko magueang ag dayong pumanaw.
Padayon rong pag ulipon kay Rina. Kon indi nana matapos rong guina sugo kana, owa imaw guinapakan-a. Pero owa guid nakabatyag it guina gutom si Rina. Lipod sa kaaeaman nanda, ro kanding ro nagatina-o it pagkaon kana. Ko ulihi, nasayran si Rina. Sa abong kahisa, guinpapatay ni Kathy ag Era ratong kanding. Nagtinangis si Rina. Nagpakita eon man kana ratong magueang. Guinpapangayo kana ko magueang rong mga kasudlan it kanding ag dayong ieobong sa likod it baeay. Ana nga guin sunod ro sugo it magueang.
Makataliwan rong limang adlaw, nakibot si Rina nga may nagtubo nga kahoy nga pilak ag bueawan nga may bunga sa likod ko andang baeay. Nadumduman nana rong kasudlan it kanding nga anang guin eobong.
Pagkakita ko andang Ina, guin sugo nana si Kathy nga magsaka sa kahoy ag mag eungi it sanga ag mag ipu it bunga.
Nagtuman si Kathy. Ogaling indi imaw maka eungi it sanga ag indi man nana madakpan ro mga prutas. Nanaog eon lang imaw. Binuslan man ni Era. Pero pareho man rong natabo.
Ko olihi, si Rina rong sumaka ag kadali guid lang nanang na ipu rong mga prutas ag na eungi rong sanga. Akig gid it duro ro anang Ina ag mga magueang. Maangan – angan may umabot nga kabalyero nga sakay sa kabayo. Nanaog imaw ag nangutana kon sin-o ro tag-ana ko royong kahoy. Gin-ako ko daywa. Busa, nangayo it prutas rong kabalyero. Nagsaka ro daywa agod mag ipu it prutas, pero kapares it dati – owa sanda nakabo-oe. May nag ligid nga prutas paadto sa kabalyero. Guin osoy kon siin naghalin. Nakita nana si Rina nga nagapanago. Anang guinpaguwa ag guin sugo nga mag ipu it prutas. Nagtuman rong daeaga. Maeomo guid lang ro anang pag-inipo.
Nangutana ro kabalyero kon ano ro anang gustong premyo. Nagsabat si Rina, "gusto ko nga maka halin riya sa among baeay." Ngani guindaea imaw sa kastilyo it kabalyero. Guinpabistihan si Rina ag nag-eotaw ro anang ka gwapa. Sa owa magbuhay guin kasae si Rina ag rong kabalyero.
Sa andang baeay, owa guid nahakat ro daywang si Kathy ag Era, total nabilin man kanda rong kahoy. Ogaling pagka-aga, Nakibot si Rina ay una eot a rong puno sa ubos ko bintana it kastilyo.
Sa owa magbuhay, isaeang adlaw, may daywang ka nagapakalimos nga nag adto sa kastilyo. Nakilaea nga sanday Kathy ag Era gali. Nag pobre eon sanda. Namatay man ro andang Ina. Tongod may mahumok nga tagipusu-on si Rina, anang guinbaton ro daywa. Naghinoe-soe ro daywa sa andang mga kasae-anan kay Rina. /MP mailto:madyaas_pen@yahoo.com
No comments:
Post a Comment