Si Julian hay esaeang ka mangangahoy. Tongod sa anang kahugod, naga tinanum imaw it sari sari busa abo ro anang mga tanum nga prutas ag tinoean-on. Bugana rong bunga ko anang kakahuyan. Dahil kara, abo ro mga pispis nga naga dapo sa anang hardin ag kakahuyan.
Isaeang adlaw, samtang naghalin eon imaw sa anang katam-nan, may nakita imaw nga pispis sa daean nga naga eokso-eokso. Nabali-an gali it pakpak. Indi maka – eopad rong pispis. Anang guin daea sa andang baeay ro pispis ag guin boeong. Kada agahon, guina saburan nana it pagkaon. Sa owa magbuhay, nagmayad rong pispis. Kada agahon, naga hinuni it matsa mayad-ayad nga kanta. Bangod sa kanta, si Julian hay habubugtaw kada agahon. Imaw eot-a rong tagapukaw kay Julian paagi sa matam is nga huni.
Sa andang barangay, si Jasmin ro pinaka gwapang daeaga. Abo nga naga pangasawa. Ogaling owa guid imaw it naila-an. Bangud sa kaabo-abo ko mga naga paeangasawa kana, indi eon makapahuway ro daeaga sa pag atubang sa mga nagabisita kana.
Para mapapundo ag matun an ro sultero nga may minatuod nga paghigugma, guin taw-an nana it pagsubok ro tanan nga kabinataan nga naila kana. Nangayo imaw it rosas kanda nga puti nga may pagtak nga puea. Owa guid it naka daea it rayang klase it rosas kay Jasmin hasta it pilang dominggong nagtaliwan.
Isaea si Julian nga naila it duro sa daeaga. Masubo imaw bangud owa guid imaw it makitang rosas nga puti nga may pagtak nga puea. Guin libot nana ro bilog nga kagueangan kutob sa anang naabot, ogaling owa guid imaw it makita.
Habatyagan kong alagang pispis ro kasubo it anang amigo. Isaeang adlaw nag-eopad ro pispis sa ibang lugar agud mag usoy it rosas nga may pagtak nga puea. Owa guid imaw it nakita. Duro man nga puti nga rosas ro anang hakita, ogaling owa’t pagtak nga puea.
Sa owa it suko-suko, eompad ro pispis it paibabaw ag guin bunggo na ro anang dughan sa mataeawis nga bato. Nag-tueo rong dugo ag guinpato-eo na sa mga rosas nga puti. Nagpagtak it puea ro mga puting rosas. Dali-dali nana nga guin daea kay Julian rong bueak. Mabakas man nga guindaea ni Julian rong rosas sa daeaga. Hakibot it duro ro daeaga. Golpi nga nagbalik si Julian sa anda agod pasaeamatan rong pispis. Naabtan nana nga naga tingha rong pispis bangud sa ka-abo nga dugo nga na-atas kana. Guin eobong nana ratong pispis. Makataliwan rong pilang dominggo, may nagtubo nga tanum nga may tunok, may bueak nga puti ag pagtak nga puea.
Halin kato, guin paabo ni Julian ratong rosas agod indi nana malipatan rong sakripisyo it isaeang ka sincero nga pispis.
Owa masayori kon nag-asawa si Julian ag Jasmin. Rong kamatuoran, nagpabilin nga daeaga pa guihapon si Jasmin./MP mailto:madyaas_pen@yahoo.com
Isaeang adlaw, samtang naghalin eon imaw sa anang katam-nan, may nakita imaw nga pispis sa daean nga naga eokso-eokso. Nabali-an gali it pakpak. Indi maka – eopad rong pispis. Anang guin daea sa andang baeay ro pispis ag guin boeong. Kada agahon, guina saburan nana it pagkaon. Sa owa magbuhay, nagmayad rong pispis. Kada agahon, naga hinuni it matsa mayad-ayad nga kanta. Bangod sa kanta, si Julian hay habubugtaw kada agahon. Imaw eot-a rong tagapukaw kay Julian paagi sa matam is nga huni.
Sa andang barangay, si Jasmin ro pinaka gwapang daeaga. Abo nga naga pangasawa. Ogaling owa guid imaw it naila-an. Bangud sa kaabo-abo ko mga naga paeangasawa kana, indi eon makapahuway ro daeaga sa pag atubang sa mga nagabisita kana.
Para mapapundo ag matun an ro sultero nga may minatuod nga paghigugma, guin taw-an nana it pagsubok ro tanan nga kabinataan nga naila kana. Nangayo imaw it rosas kanda nga puti nga may pagtak nga puea. Owa guid it naka daea it rayang klase it rosas kay Jasmin hasta it pilang dominggong nagtaliwan.
Isaea si Julian nga naila it duro sa daeaga. Masubo imaw bangud owa guid imaw it makitang rosas nga puti nga may pagtak nga puea. Guin libot nana ro bilog nga kagueangan kutob sa anang naabot, ogaling owa guid imaw it makita.
Habatyagan kong alagang pispis ro kasubo it anang amigo. Isaeang adlaw nag-eopad ro pispis sa ibang lugar agud mag usoy it rosas nga may pagtak nga puea. Owa guid imaw it nakita. Duro man nga puti nga rosas ro anang hakita, ogaling owa’t pagtak nga puea.
Sa owa it suko-suko, eompad ro pispis it paibabaw ag guin bunggo na ro anang dughan sa mataeawis nga bato. Nag-tueo rong dugo ag guinpato-eo na sa mga rosas nga puti. Nagpagtak it puea ro mga puting rosas. Dali-dali nana nga guin daea kay Julian rong bueak. Mabakas man nga guindaea ni Julian rong rosas sa daeaga. Hakibot it duro ro daeaga. Golpi nga nagbalik si Julian sa anda agod pasaeamatan rong pispis. Naabtan nana nga naga tingha rong pispis bangud sa ka-abo nga dugo nga na-atas kana. Guin eobong nana ratong pispis. Makataliwan rong pilang dominggo, may nagtubo nga tanum nga may tunok, may bueak nga puti ag pagtak nga puea.
Halin kato, guin paabo ni Julian ratong rosas agod indi nana malipatan rong sakripisyo it isaeang ka sincero nga pispis.
Owa masayori kon nag-asawa si Julian ag Jasmin. Rong kamatuoran, nagpabilin nga daeaga pa guihapon si Jasmin./MP mailto:madyaas_pen@yahoo.com
No comments:
Post a Comment