Si Stan Ag Si Jex
May mag amigo nga naga pa indis-indis paagi sa pag paabu-abo it sumueonod. Samtang naga tikang sanda, nag-hambae si Stan, "Paabu-abo kita it sumueonod?" Pag agi nanda sa isaeang ka eskwelahan, habatian nanda nga naga kanta ro mga unga, naga sueat, ag naga basa ro mga estudyante. "Akon ron sanda tanan", hambae ni Jex.
Pagguwa nanda sa eskwelahan, hakita nanda nga may mga onga nga naga padueong sa computeran. May iba pa guid nga naga hampang it baraha sa may ‘waiting shed’. "Akon man royon tanan", ako ni Stan.
Nag agi man sanda sa simbahan. Hakita nanda ro mga tawo nga naga eohod sa pag pangadi. "Tan-awa, akon ron sanda", hambae ni Jex kay Stan. Ogaling may isaeang ka sulterito nga nag takaw ko bag ko sambilog nga deboto nga owa makapan-o.
"Eaum mo tongod sa simbahan hay naga pangadi tanan ro tawo?" hibayag ni Stan. "May akon pa gali maskin sambato eang".
Pag eampas nanda sa simbahan, hakita nanda ro pamilya nga malipayon. Naga hampang ro ina ag ama sa andang mga onga. "Sigurado nga imo guid ron", hambae ni Stan.
Ogaling hakibot sanda nga may naga linagsan. Ro tatay anang guin eagas it talibong ro anang onga samtang naga sunod ro anang asawa. Hilong ro tatay ag nag away sanda ko anang onga. "Hay anyo ron?" pangutana ni Stan. "Hay imo ron!" sabat man ni Jex.
Nakasayod kamo kon sin-o si Stan ag si Jex? Sanda ra hay si Satanas ag si Jesus Christ. Kanyo kamo madampig? Kay Jex o kay Stan? /MP
No comments:
Post a Comment