Sa taeagsa nga kahigayunan, rong atong mga igmanghud nga mga mason hay mataw-an eon it nagakabagay nga pagpahaeaga sa idaeum kong Galing Mason Award nga ginapatigayon it kompanyang Holcim Philippines kaibahan it Technical Education and Skills Development Authority (TESDA), National Union of Building and Construction Workers ag Philippine Constructors Association, ag ko mga gobyerno local eakip rong Munisipyo it Kalibo. Raya hay may daywang lebel, rong regional ag national.
Rayang paindis-indis hay pwede sa babayi o eaeaki, Pilipino imaw, dapat beinte singko (25) ro edad paibabaw, may ana nga Certificate on Masonry or Civil Works Trade halin sa TESDA, ag mayad ro anang karakter nga iga-certify it daywa ka local nga asosasyon.
Rong pwede nga maka-nomina kara hay ana nga kompanya, civic ag propesyonal nga organisasyon, asosasyon it komunidad, NGO, people’s organization, ag rong lokal nga gobyerno nga makatao it impormasyon sa mason nga gin-nominar. Rong premyo sa Galing Mason Award hay beinte-singko mil (P25,000) sa Regional Level as syen mil (P100,000) sa National Awardee.
Rong Galing Mason Award ngara hay nagapahaeaga sa sakripisyo ag abilidad it atong mga mason, nagarekognisa sa andang ma-delikado nga propesyon ag naga tao it respeto sa andang dedikasyon sa trabaho nga rong resulta hay makita naton sa iba-ibang mga edipisyo ag kabeayan sa atong sosyodad.
Sa kadugangan nga impormasyon, makipag-angot eamang sa Munisipyo it Kalibo sa atong Community Training and Employment Coordinator nga si Mr. Noel Dela Cruz sa Mayor’s Office it Kalibo o magtawag sa telepono numero 262-3241 o 268-2158. /MP
No comments:
Post a Comment