Web Contest Finalist

Pila eon nga beses ro Municipyo it Kalibo nakabuoe it pagpadungog kaibahan ro pagiging 1st Class Municuipality halin sa 4th Class Municipality. Ag makaron, may bag–o eon man nga ikapabugae rong Munisipalidad it Kalibo ag makita ra sa eLGU website it National Computer Center nga may internet address nga http:/elgu.ncc.gov.ph. Rong Web Site it Munisipyo it Kalibo nga ginamentenar it Web Developer’s group sa idauem it Mayor’s Office hay isaea sa mga nakasueod sa Web Contest 2005. Ro Web Contest Finalists hay makita eon una sa Web Site National Computer Commission ag sa 33 nga mga nagsueoeod, rong Web Site it Munisipyo it Kalibo nga may web address nga elgu.ncc.gov.ph/ecommunity/kalibo-aklan hay sambilog sa mga napilian.
Raya ngara nga butang hay isaeang kadaeag-an it Munisipyo it Kalibo ag kong mga Kalibonhon dahil sa uman hataw-an eon man kita it pagpadungog. Daya hay nasandig sa prayoridad ko gobyerno lokal sa pagpamuno ni Mayor Raymar A. Rebaldo sa pagpadayon it pagtao it serbisyo indi eang sa mga Kalibonhon kundi sa mga turista, local man o taga ibang nasyon, para ma-promote ro atong eco-tourism industry ag rong mother of all festivals, rong Kalibo Ati-Atihan Festival. Sa kadugangan, rong aton nga mga igmanghod nga Kalibonhon ag Aklanon sa kabilogan nga naga trabaho ag naga-tiner sa ibang nasyon. Raya nagapakita nga rong Kalibo hay bukon eon it ulihi sa teknolohiya ag cyberspace development. /MP