Para matao an it importansya ro pamueoyong Kalibonhon, ro Rural Health Unit nga ginapadaeagan it atong mahugud nga mga doctor nga sanday Dr. Agrelita D. Fernandez ag Dr. Jocelyn T. Garcia kaibahan ro Department of Health, National Tuberculosis Program Region 6 Coordinator nga si Dr. Edith G. Caloyloy hay magatao it Symposium nga ginapangaeanang “ PPMD Symposium for Non Medical Practitioners” sa Desyembre 6 ag “PPMD Symposium for Medical Practitioner” sa Desyembre 7 masunod nga adlaw. Ro symposium hay pagahiwaton sa CAP Building iya sa Kalibo. Ro PPMD o Public-Private Mix Directly Observed Treatment Short-course hay isaeng ka paagi sa pagtatap ag ag pagpapamayad it isaeng ka pasyente nga may TB o Tuberculosis nga ginapatupad makaron it National Center for Disease Prevention and Control sa idaeum it Department of Heath.
Ro nasambit nga PPMD Symposium ngara hay nasandig sa kagustuhan it atong lokal nga gobyerno it Kalibo nga ginapangunahan it atong haeangdon nga alkalde, Mayor Reymar A. Rebaldo, agud mataw-an it mayad ng Health Care System bagay sa isaea ka banwa nga gapaadto eon sa pagiging isaeang syudad. /MP
No comments:
Post a Comment